Raja Saab
Raja Saab: హీరో అంటే ఆరడుగుల ఎత్తు, ఆరు పలకల బాడీతో చూడగానే ప్రేక్షకులను అట్రాక్ట్ చేసేలా ఉండాలి. తన వాళ్ళకి కష్టం వచ్చింది అంటే వాళ్ల ముందు నిలబడాలి. న్యాయం కోసం ఎంత మందితో అయిన ఫైట్ చేసే సామర్థ్యం తన సొంతం అయి ఉండాలి. చూడగానే సగటు ప్రేక్షకుడు కూడా హీరో అని అనుకునేలా ఉండాలి అప్పుడు మాత్రమే ప్రేక్షకులు అతన్ని హీరోగా అంగీకరిస్తారు. సేమ్ ఇవే క్వాలిటీస్ తో ఉన్న ఒకే ఒక స్టార్ హీరో ప్రభాస్…
అయితే కొంతమంది మాత్రం ఇవన్నీ లేకపోయినా కూడా వాళ్ల యాక్టింగ్ తో ప్రేక్షకులను మెప్పిస్తూ ఉంటారు. వాళ్ళు కూడా మంచి నటులే అయినప్పటికీ, చూడటానికి హీరోగా ఉండి, యాక్టింగ్ తో కూడా మెప్పించే వాళ్ళు మాత్రం ఇండస్ట్రీలో చాలా తక్కువ మంది ఉన్నారు. అలాంటి హీరోలలో ప్రభాస్ ఒకరు. అందుకే ఈయన చేసిన ప్రతి సినిమా కూడా ప్రేక్షకుడిని మెప్పిస్తుంది. ప్రభాస్ ఎక్కువగా మాస్ సినిమాలు చేస్తూ ఉంటాడు. కాబట్టి మాస్ సినిమాల్లో ఫైట్లకి ఎక్కువ ప్రాధాన్యత ఉంటుంది. కాబట్టి విలన్లను సమర్థవంతంగా ఎదుర్కోవడానికి సరైన హీరో కూడా ప్రభాస్ అనే చెప్పాలి. ఆయన ఫైట్స్ చూస్తే చాలు ప్రేక్షకులకి సాలిడ్ కిక్ వస్తుందని ఇప్పటికే చాలా సినిమాల్లో ప్రూవ్ చేశాడు. ఆయన చేసిన ప్రతి సినిమాలో కూడా తనకంటూ వైవిద్యమైన నటనను కనబరుస్తు ప్రతి ప్రేక్షకుడిని తన నటనతో కట్టిపడేస్తాడు అందుకే ప్రభాస్ అంటే యూత్ లో మంచి ఫాలోయింగ్ ఉంది.
ప్రస్తుతం పాన్ ఇండియా రేంజ్ లో కూడా తన సినిమాలతో అదరగొడుతున్నాడు. ఇక ఇప్పటివరకు ఆయన చేసిన సినిమాలు ఒకెత్తు అయితే ఇక ఇప్పుడు చేయబోయే సినిమాలు మరొక ఎత్తు అన్నట్టుగా సాగుతున్నాయి. ఇప్పటికే సలార్ సినిమాతో భారీ బ్లాక్ బాస్టర్ హిట్ ను సొంతం చేసుకున్న ప్రభాస్… ఇప్పుడు రాజాసాబ్ సినిమాతో మరోసారి సక్సెస్ ని అందుకోవాలని చూస్తున్నాడు. ఇక ఈ సినిమా మారుతి డైరెక్షన్ లో తెరకెక్కుతుంది. ఇక ఇప్పుడు అందుతున్న సమాచారం ఏంటంటే ఈ సినిమాలో ‘కామెడీ బ్రహ్మా’ అయిన ‘బ్రహ్మానందం’ కూడా ఒక మంచి క్యారెక్టర్ లో నటిస్తునన్నాడు…
ప్రభాస్ కి బ్రహ్మానందం కి మధ్య వచ్చే కామెడీ ఎపిసోడ్ ఈ సినిమాకి హైలెట్ గా నిలవనున్నట్టు గా కూడా సినిమా యూనిట్ తెలియజేస్తుంది. ఇక బ్రహ్మానందం నేను సినిమా చేయలేను అని చెప్పిన కూడా మారుతి పట్టు పట్టి మరి ఆ క్యారెక్టర్ ను బ్రహ్మానందంతోనే చేయించాడు అంటే ఆ క్యారెక్టర్ కి ఉన్న వాల్యూ ఎలాంటిదో మనం అర్థం చేసుకోవచ్చు…ఇక ప్రభాస్ అభిమానులకైతే ఈ సినిమా ఒక కన్నుల పండుగలా ఉండబోతుంది అంటూ మారుతి ఒక ఇంటర్వ్యూ లో తెలియజేశారు. మరి కామెడీ బ్రహ్మ అయిన బ్రహ్మానందం , రెబల్ స్టార్ ప్రభాస్ మధ్య వచ్చే ఆ కామెడీ ఎపిసోడ్లు ఎలా ఉంటాయో తెలియాలంటే ఈ సినిమా రిలీజ్ అయ్యేంతవరకు వెయిట్ చేయాల్సిందే…
