dil raju: తెలుగు ఇండస్ట్రీకి విజయ్​దేవరకొండ మరో పవన్​ కల్యాణ్​:దిల్​రాజు

dil raju: పెళ్లిచూపులు సినిమాతో తెలుగు సినీ పరిశ్రమకు హీరోగా పరిచయమై.. అర్జున్​ రెడ్డితో స్టార్​ హీరో స్థాయి గుర్తింపు తెచ్చుకున్నాడు విజయ్​ దేవరకొండ. కుర్రాలకు అతనొక బ్రాండ్​ అయితే, అమ్మాయిలకు రౌడీ లవర్​. సినిమాలో చిన్న చిన్న పాత్రలు చేస్తూ.. ఇప్పుడు పెద్ద సినిమాలకు ముఖ్య అతిథిగా వచ్చే రేంజ్​కు ఎదగడం వెనక అతని అలుపెరగని కష్టం దాగుంది. అయితే, విజయ్​ని పవన్​ కల్యాణ్​తో పోలుస్తూ ప్రముఖ నిర్మాత దిల్​రాజు ఆసక్తికర వ్యాఖ్యలు చేశారు.  ఆశిష్​ హీరోగా తెరకెక్కిన రౌడీ బాయ్స్​ రెండో సాంగ్​ విడుదల కార్యక్రమంలో భాగంగా దిల్​ రాజు మాట్లాడారు. ఈ కార్యక్రమానికి ముఖ్యఅతిథిగా విజయ్​ దేవరకొండ  వచ్చారు. కాగా, విజయ్​ తనకు ఎంతోకాలంగా తెలుసని అన్నారు. తన బ్యానర్​పై వచ్చిన కేరింత సినిమా ఆడిషన్స్​కు విజయ్​ ఓ సారి తన ఆఫీసుకు వచ్చాడని  దిల్​ రాజు అన్నారు. అందులో ముగ్గరు హీరోల్లో ఒకరిగా విజయ్​ నటించాల్సిందని.. కానీ కుదరలేదని పేర్కొన్నారు.

ఆ తర్వాత వచ్చిన అర్జున్​ రెడ్డి తో విజయ్​ స్టార్​ అవ్వడం అందరికీ తెలిసిందేనని అన్నారు. గీతా గోవిందం సక్సెస్​ ఈవెంట్​కు ముఖ్య అతిథిగా తనను పిలిచినందుకు సంతోషంగా ఉందని అన్నారు. అతి తక్కువ కాలంలో మూడు నాలుగు చిత్రాలతో విజయ్​కు ఇంత క్రేజ్​ రావడం ఆశ్చర్యకరమని దిల్​రాజు కొనియాడారు. తెలుగు ఇండస్ట్రీకి మరో యూత్​ఫుల్​ హీరో, పవన్​ కల్యాణ్​ దొరికాడని అన్నారు. దీంతో పాటు లైగర్​ తో పాన్​ ఇండియా హీరోగా పరిచయమవనున్న  విజయ్​కు అభినందనలు తెలుపుతూ స్పీచ్​ ముగించారు. ప్రస్తుతం దిల్​ రాజు చేసిన ఈ వ్యాఖ్యలు నెట్టింట వైరల్​గా మారాయి.