దీపావళికి పేలనున్న ‘లక్ష్మీబాంబ్’

laxmi bomb

Follow us on

కరోనా ఎఫెక్టుతో థియేటర్లు మూతపడగా.. షూటింగులు వాయిదాపడిన సంగతి తెల్సిందే. దీంతో థియేటర్లలో సినిమాలు చూసే ప్రేక్షకులంతా ఓటీటీలకు, టీవీలకు అలవాటుపడిపోయారు. కరోనాకు ముందే బాలీవుడ్లో ‘లక్ష్మీబాంబ్’ మూవీ పూర్తి చేసుకుంది. ఈ సినిమా థియేటర్లలో రిలీజ్ చేసే సమయానికి కరోనాతో థియేటర్లు మూతపడ్డాయి. దీంతో ఈ మూవీ ఓటీటీ రిలీజ్ అవుతుందని భారీగా ప్రచారం జరిగింది. అయితే దీనిని చిత్రయూనిట్ పలుసార్లు కొట్టిపారేసింది.

Also Read: డ్రగ్స్ కేసులో కథనాలపై ఢిల్లీ హైకోర్టుకు రకూల్

అయితే తాజాగా ఈ మూవీ ఓటీటీలో రిలీజ్ కాబోతున్నట్లు ప్రకటించారు. ఈ మూవీ డిజిట‌ల్ స్ట్రీమింగ్ హ‌క్కులను దక్కించుకున్న హాట్ స్టార్ సంస్థ రిలీజ్ డేట్ ను ప్రకటించింది. దీపావళి కానుకగా ఈ మూవీ ప్రేక్షకుల ముందుకు రాబోతుంది. నవంబర్ 14 దీపావళి పండుగ ఉండగా ఆరురోజుల ముందుగానే అంటే నవంబర్ 9న ఈ మూవీ ఓటీటీలో ప్రసారం కానుంది.

తెలుగు, తమిళంలో బ్లాక్ బస్టర్ హిట్టుగా నిలిచిన ‘కంచన’ మూవీ బాలీవుడ్లో ‘లక్ష్మీబాంబ్’గా రాబోతుంది. ‘కంచన’లో హీరోగా నటించిన లారెన్స్ ఈ మూవీకి దర్శకత్వం వహిస్తున్నాడు. అక్షయ్ కుమార్ హీరోగా నటిస్తున్న ఈ మూవీపై బాలీవుడ్లో భారీ అంచనాలున్నాయి. థియేటర్లలోనే రిలీజ్ కావాల్సిన ఈ భారీ మూవీ కరోనా ఎఫెక్ట్ తో ఓటీటీలో వస్తోంది.

Also Read: దేవదాసిగా మారనున్న అనసూయ?

ఓటీటీలో గత ఆరునెలలుగా అనేక  కొత్త సినిమాలు రిలీజ్ అవుతూ ప్రేక్షకులను అలరిస్తున్నాయి. అయితే ఇప్పటివరకు మాస్ ప్రేక్షకులను అలరించేలా ఒక్క మూవీ కూడా ఓటీటీలో రాలేదు. ఆ లోటును ‘లక్ష్మీబాంబ్’ తీర్చనుండటంతో ఆ వర్గం ప్రేక్షకులు ఖుషీ అవుతున్నారు. దీపావళి కానుకగా ‘లక్ష్మీబాంబ్’ రిలీజ్ కానుందని హాట్ స్టార్ ప్రకటించడంతో సోషల్ మీడియాలో నెటిజన్లు మీమ్స్ తో జోరుగా ప్రచారం చేస్తున్నారు.