Lavanya: అందాల రాక్షసి సినిమాతో తెలుగు ప్రేక్షకులకు పరిచయమై.. తన అందం, అభినయంతో మంచి హీరోయిన్గా గుర్తింపు తెచ్చుకున్న నటి లావణ్య త్రిపాఠి. ఈ సినిమాలో మంచి నటన కనబరిచింది ఈ అమ్మడు. ఈ క్రమంలోనే వరుసగా అవకాశాలు క్యూ కట్టాయి. అయితే, వరుసగా అవకాశాలు వస్తున్నప్పటికీ స్టార్ హీరోయిన్గా మారే ఛాన్స్ మాత్రం రాలేదనే చెప్పాలి. ఇటీవలే గీతాఆర్ట్స్ బ్యానర్పై హీరో కార్తికేయ నటించిన చావుకబురు చల్లగా సినిమాలో హీరోయిన్గా నటించింది. ఈ సినిమా హిట్గా నిలిచినప్పటికీ.. లావణ్యకు పెద్దగా గుర్తింపు రాలేదు. ఇటీవల గ్లామల్ లుక్స్తో ఈ సొట్టబుగ్గల సుందరి హాట్ ఫోటో షూట్స్లో పాల్గొంటూ.. నెట్టింట షేర్ చేస్తోంది.
ఈ క్రమంలోనే మహేశ్ సరసన ఛాన్స్ కొట్టినట్లు ఇండస్ట్రీలో టాక్ నడుస్తోంది. మహేశ్- త్రివిక్రమ్ కాంబోలో ఓ సినిమా తెరకెక్కనున్న సంగతి తెలిసిందే. ఇందులో లావణ్య లక్కీ ఛాన్స్ కొట్టిందని సమాచారం. ప్రస్తుతం మహేశ్ సర్కారు వారి పాటతో ఫుల్ బిజీగా ఉన్నారు. ఈ సినిమా తర్వాత త్రివిక్రమ్ ప్రాజెక్టు పట్టాలెక్కనుంది. ఈ సినిమాలో ఇద్దరు హీరోయిన్లు నటిస్తుండగా.. అందులో మొదటి హీరోయిన్గా పూజా హెగ్డెను ఎంపిక చేశారు.
ఇప్పుడు సెకెండ్ హీరోయిన్గా లావణ్యను తీసుకున్నట్లు తెలుస్తోంది. మొదట ఈ పాత్ర కోసం నభా నటేష్ పేరు వినపించినా.. ఎట్టకేలకు లావణ్యకే ఆ ఛాన్స్ దక్కింది. దీంతో లావణ్యకు ఈ సినిమాతోనైనా స్టార్ హీరోయిన్ గుర్తింపు దక్కించుకుంటుందని ఆశిస్తున్నారు. ప్రస్తుతం త్రివిక్రమ భీమ్లా నాయక్ సినిమాతో బిజీగా ఉన్నారు. ఈ సినిమాకు త్రివిక్రమ్ స్క్రీన్ ప్లే తో పాటు మాటలు అందిస్తున్న సంగతి తెలిసిందే.
