Kushi 25 years anniversary: టాలీవుడ్ హిస్టరీ లో ఆల్ టైం క్లాసిక్ గా పేరు తెచ్చుకున్న అతి కొద్దీ లవ్ సిరీస్ లో ఒకటి ‘ఖుషి’. అప్పటికే పవన్ కళ్యాణ్(Deputy CM Pawan Kalyan) సుస్వాగతం , తొలిప్రేమ , తమ్ముడు , బద్రి వంటి సూపర్ హిట్ చిత్రాలతో యూత్ ఆడియన్స్ లో తిరుగులేని ఫ్యుయాం ఫాలోయింగ్ ని సంపాదించుకున్నాడు. ఎంతలా అంటే, ఆంధ్ర ప్రదేశ్ యూత్ అనే పవన్ కళ్యాణ్ ఫ్యాన్ అని ఫిక్స్ అయిపోయేవారు . అలాంటి ఫ్యాన్ బేస్ క్రియేట్ అయిన సమయంలో వచ్చింది ఈ ఖుషి. ఈ సినిమా అప్పట్లో పెద్ద ఇండస్ట్రీ హిట్ అవ్వడంతో పవన్ కళ్యాణ్ దాదాపుగా టాలీవుడ్ నెంబర్ 1 సింహాసనం పై కూర్చునే స్థాయికి ఎదిగిపోయాడు. ఆరోజుల్లో యువత మొత్తం ఖుషి లో పవన్ కళ్యాణ్ స్టైలింగ్ ని అనుసరించేవారు. గ్యాప్ టీ షర్ట్స్, సైడ్ కట్ బ్యాగ్స్ వంటివి ఆరోజుల్లో అంత పాపులర్ అవ్వడానికి కారణం ఖుషి సినిమానే.
ఈ చిత్రానికి ఎస్ జె సూర్య దర్శకత్వం వహించాడు. ముందుగా ఈ సినిమాని ఏక కాలంలో తెలుగు , తమిళ భాషల్లో చిత్రీకరించాలని అనుకున్నారు. తమిళ్ లో విజయ్ హీరో. అయితే పవన్ కళ్యాణ్ ఆ సమయం లో ‘బద్రి’ మూవీ షూటింగ్ లో బిజీ గా ఉండడం వల్ల, ముందుగా తమిళ్ లో ప్రారంభమై , షూటింగ్ పూర్తి చేసుకొని అక్కడ విడుదలైంది. విజయ్ కెరీర్ హిట్ గా నిల్చింది కానీ, వేరే లెవెల్ హిట్ అయితే కాదు. అక్కడ విడుదలైన కొన్నిరోజులు తెలుగు లో షూట్ చేశారు. భారీ అంచనాల నడుమ విడుదలైన ఈ చిత్రానికి మొదట్లో ఆడియన్స్ నుండి ఫ్లాప్ టాక్ వచ్చింది. వారం రోజుల తర్వాత టాక్ పాజిటివ్ గా మారి ఇండస్ట్రీ రికార్డ్స్ ని క్రియేట్ చేసింది. ఈ చిత్రం లోని ప్రతీ పాట ఒక సెన్సేషన్.
ఇప్పటి యూత్ ఆడియన్స్ కి కూడా ఈ పాటలంటే పిచ్చి. ఈ చిత్రం లోనే పాటలన్నిటికీ పవన్ కళ్యాణే స్వయంగా కొరియోగ్రఫీ చేసాడు. అంతే కాకుండా, క్లైమాక్స్ మార్పు తో పాటు , కొన్ని సన్నివేశాలకు పవన్ కళ్యాణే రచయితగా వ్యవహరించడమే కాకుండా, దర్శకత్వం కూడా వహించాడు. ఆయన చేసిన మార్పులు చేర్పులు కారణంగానే ఈ సినిమా ఇంత పెద్ద హిట్ అయ్యిందని, స్వయంగా డైరెక్టర్ ఎస్ జె సూర్య చెప్పుకొచ్చింది. ఆరోజుల్లో టికెట్ రేట్స్ 10 నుండి 25 రూపాయిల వరకు ఉండేది. ఆ రేట్స్ తోనే ఈ చిత్రం బాక్స్ ఆఫీస్ వద్ద 24 కోట్ల రూపాయిల షేర్ వసూళ్లు, 40 కోట్ల రూపాయిల గ్రాస్ వసూళ్లను రాబట్టి సంచలనం సృష్టించింది. దాదాపుగా 72 సెంటర్స్ లో 100 రోజులు పూర్తి చేసుకున్న ఈ చిత్రం, రీ రిలీజ్ లో కూడా ఎన్నో సెన్సేషనల్ రికార్డ్స్ ని అప్పట్లో క్రియేట్. ఇక 2022 వ సంవత్సరం లో ఈ చిత్రాన్ని 4K కి మార్చి గ్రాండ్ గా రీ రిలీజ్ చేశారు. రెస్పాన్స్ అద్భుతంగా వచ్చింది. తక్కువ థియేటర్స్ లో విడుదల అయ్యినప్పటికీ కూడా ఈ చిత్రానికి దాదాపుగా 8 కోట్ల రూపాయిల గ్రాస్ వసూళ్లు వచ్చాయి.
