‘1 నేనొక్కడినే’తో ఇండస్ట్రీకి పరిచయమైన నటి కృతి సనన్. మోడలింగ్‌ నుంచి సినిమా రంగంలోకి వచ్చిన ఆమె తన ఫస్ట్‌ మూవీనే టాలీవుడ్‌ సూపర్ స్టార్ మహేశ్‌తో చేసే చాన్స్ కొట్టేసింది. మొదటి సినిమానే అయినా తన నటన, అంద చందాలతో ఫ్యాన్స్‌ను ఆకట్టుకుంది. మహేశ్‌కు సరిజోడీ అనిపించుకుంది. ఆ మూవీ ఆశించినంత హిట్‌ కాలేకపోయినా కృతికి వెంటనే మరో ఆఫర్ వచ్చింది. అక్కినేని నాగచైతన్య హీరోగా ‘దోచేయ్’ మూవీలో నటించింది. కానీ, అప్పటికే బాలీవుడ్‌ బాట పట్టిన ఆమె సాబిర్ ఖాన్‌ డైరెక్షన్‌లో ‘హీరోపంటీ’ మూవీతో హిందీకి పరిచయమైంది. ఫిల్మ్‌ ఫేర్ బెస్ట్‌ ఫీమేల్‌ డెబ్యూ అవార్డు గెలుచుకున్న ఆమె అక్కడే సెటిలైంది. ఆక్కడ వరుసగా అవకాశాలు రావడంతో టాలీవుడ్‌కకు పూర్తిగా దూరమైంది.
Also Read: నితిన్‌కు నో చెప్పిన బుట్టబొమ్మ!
పలు స్టార్హీరోలు, డైరెక్టర్లు సంప్రదించినా కూడా ఆమె తెలుగులో మళ్లీ నటించేందుకు ఆసక్తి చూపడం లేదు. ఈ క్రమంలో దిల్‌వాలే, రాబ్తా, బారెలీ కి బర్ఫీ, లుకా చుప్పి, అర్జున పటియాలా అనే మూవీస్‌ చేసింది. కానీ, అవేవీ కమర్షియల్‌గా హిట్‌ కాలేకపోయాయి. కానీ, గతేడాది అక్షయ్‌ కుమార్ హీరోగా వచ్చిన హౌస్‌ఫుల్‌లో భారీ విజయం సాధించడంతో కృతి ఖాతాలో సక్సెస్‌ చేరింది. అప్పటి నుంచి ఆమెకు ఆఫర్ల తాకిడి పెరిగింది. ఆ వెంటనే పానీపట్‌ అనే భారీ యాక్షన్‌ మూవీలో నటించింది. పతీ పత్నీ ఔర్ఓ అనే చిన్న యూవీ చేసినా అంతగా ఆడలేదు. ప్రస్తుతం ‘మిమి’ అనే లేడీ ఓరియెంటెడ్‌ చిత్రంలో నటిస్తోందామె. ఈ ముద్దుగుమ్మకు ఇప్పుడు బాలీవుడ్‌లో మరో భారీ చాన్స్ వచ్చిందట.
Also Read: చెర్రీ, పూరీ రెండోసారి..
హృతిక్ రోషన్ హీరోగా రూపొందే ‘క్రిష్ 4’ చిత్రంలో కథానాయికగా నటించే చాన్స్ కృతిని వరించినట్లు సమాచారం. తొలుత కత్రినా కైఫ్, అలియా భట్ ను సంప్రదించినప్పటికీ కృతి సనన్‌ను ఫైనల్‌ చేసినట్టు తెలుస్తోంది. ఈ వార్త నిజమైతే కృతి కెరీర్ మలుపు తిరగడం ఖాయమే. ఎందుకంటే క్రిష్ సిరీస్‌లకు ప్రేక్షకుల్లో భారీ క్రేజ్‌ ఉంది. తొలి రెండు పార్టులు సూపర్ హిట్‌ అయ్యాయి. భారీ బడ్జెట్‌, తారాగణంతో తెరకెక్కిన క్రిష్ 3 బాక్సాఫీస్‌ దగ్గర బోల్తా కొట్టింది. ఈ మధ్య హిట్లు లేని హృతిక్ క్రిష్4పై భారీ అంచనాలు పెట్టుకున్నాడు. ఇందులో అతను నాలుగు భిన్నమైన పాత్రల్లో కనిపిస్తాడని సమాచారం. కుమారుడికి విజయం అందించడమే లక్ష్యంగా రాకేశ్‌ రోషన్ ఇప్పటికే పక్క స్క్రిప్ట్ రెడీ చేశాడట. కరోనా ప్రభావం తగ్గిన తర్వాత షూటింగ్‌ ప్రారంభించాలని చూస్తున్నాడు.