Director Krish tweet: మరో రెండు రోజుల్లో పవన్ కళ్యాణ్(Deputy CM Pawan Kalyan) మోస్ట్ అవైటెడ్ ప్రాజెక్ట్ ‘హరి హర వీరమల్లు'(Hari Hara Veeramallu) ప్రపంచవ్యాప్తంగా అన్ని ప్రాంతీయ భాషల్లో గ్రాండ్ గా రిలీజ్ కాబోతుంది. నిన్ననే ఈ సినిమాకు సంబంధించిన ప్రీ రిలీజ్ ఈవెంట్ జరిగింది. బాగానే జరిగింది కానీ, అభిమానుల్లో ఎక్కడో ఎదో తెలియని చిన్న వెలతి కనిపించింది. అది ఏమిటంటే ఈ చిత్రానికి దర్శకత్వం వహించిన క్రిష్(Krish Jagarlamudi) ప్రీ రిలీజ్ ఈవెంట్ కి రాకపోవడం. ఈ చిత్రాన్ని మొదలు పెట్టింది ఆయనే అన్న సంగతి మన అందరికీ తెలిసిందే. చాలాకాలం ఓపికగా పవన్ కళ్యాణ్ డేట్స్ ఇచ్చినప్పుడే షూటింగ్స్ చేసుకుంటూ వచ్చాడు. కానీ పవన్ కళ్యాణ్ మధ్యలో రాజకీయాలతో ఫుల్ గా బిజీ అవ్వడంతో డైరెక్టర్ క్రిష్ ఈ చిత్రం నుండి వేరే ప్రాజెక్ట్ కి కమిట్మెంట్స్ కారణంగా షిఫ్ట్ అవ్వాల్సి వచ్చింది. ఆ తర్వాత ఆయన స్థానం లోకి జ్యోతి కృష్ణ వచ్చాడు.
Also Read: ‘హరి హర వీరమల్లు’ ప్రీ రిలీజ్ ఈవెంట్ లో ‘ఓజీ’ స్లొగన్స్.. మండిపడ్డ పవన్!
అయితే క్రిష్ నిన్న ప్రీ రిలీజ్ ఈవెంట్ లో లేని లోటు, ఇప్పుడు పూడ్చే ప్రయత్నం చేసాడు. కాసేపటి క్రితమే ఆయన ట్విట్టర్ లో హరి హర వీరమల్లు గురించి ట్వీట్ వేసాడు. ఆయన మాట్లాడుతూ ‘హరి హర వీరమల్లు..మొత్తానికి ఈ ప్రపంచం లోకి ఎంటర్ అవ్వబోతున్నాడు. కానీ సైలెంట్ గా రావడం లేదు, ఒక గొప్ప ఆశయంతో రాబోతున్నాడు. మన చరిత్ర కి ఉన్న బలం ఈ సినిమాలో ప్రతీ ఫ్రేమ్ లో కనిపిస్తుంది. మన పవన్ కళ్యాణ్ గారు, ఈ సినిమాకు ఒక అద్వితీయమైన శక్తి. ఆయనలో ఉన్న ఫైర్ ని ఏ కెమెరా కూడా సంపూర్ణంగా క్యాప్చర్ చేయలేదు. ఈ చిత్రం కోసం ఆయన తన సర్వస్వం వెచ్చించాడు. ఆయన ఎంత కష్టపడి, ఇష్టపడి నటించాడో నాకు తెలుసు’ అంటూ చెప్పుకొచ్చాడు.
Also Read: ఆ టైమ్ లో నాదగ్గరికి వచ్చిన వ్యక్తి తను ఒక్కడే: పవన్ కళ్యాణ్…
నిర్మాత AM రత్నం గురించి మాట్లాడుతూ ‘ఇండియన్ ఫిలిం ఇండస్ట్రీ హిస్టరీ లో AM రత్నం గారు ఎన్నో అద్భుతమైన గ్రాండియర్ చిత్రాలను అందించాడు.. ఒక సినిమా ఎంత గ్రాండ్ గా తియ్యాలో ఆయన ముందే తన కళ్ళతో ఊహించేసుకుంటాడు. ఎంత ఖర్చు అయినా వెనుకాడడు. ఇలాంటి గొప్ప నిర్మాతలు చాలా అరుదుగా దొరుకుతూ ఉంటారు’ అని చెప్పుకొచ్చాడు. ఇంకా ఆయన ఏమి మాట్లాడాడో ఈ క్రింది ట్వీట్ లో చూడండి. ఇంత పెద్ద ట్వీట్ లో ఆయన ఎక్కడా కూడా డైరెక్టర్ జ్యోతి కృష్ణ గురించి ఒక మాట కూడా మాట్లాడలేదు. చూస్తుంటే వీళ్లిద్దరి మధ్య ఈగో క్లాష్ తారాస్థాయికి చేరినట్టుగా అనిపిస్తుంది. ‘హరి హర వీరమల్లు’ ట్రైలర్ లో కానీ, మేకింగ్ వీడియో లో కానీ ఎక్కడ క్రిష్ పేరు కనిపించదు, అలా కనిపించకుండా చేసింది జ్యోతి కృష్ణ నే అని సోషల్ మీడియా లో విశ్లేషకులు అభిప్రాయపడుతున్నారు.
Now… Hari Hara Veera Mallu walks into the world. Not quietly.. but with purpose.. with the weight of history and passion behind every frame. This journey was made possible by two great legends… not just in cinema, but in spirit..
Our PAWAN KALYAN garu.. an extraordinary… pic.twitter.com/KZo14F1M2a
— Krish Jagarlamudi (@DirKrish) July 22, 2025
