Karuppu Veerabhadrudu 3 Days Collections: వరుస డిజాస్టర్ ఫ్లాప్స్ తో కెరీర్ లో అతి కష్టమైన ఫేస్ ని ఎదురుకుంటున్న సూర్య ని చూసి , ఇక ఆయన ఇప్పట్లో సూపర్ హిట్స్ ని అందుకోవడం కష్టమే అని అనుకున్నారు అందరూ. కానీ రీసెంట్ గా విడుదలైన ‘కరుప్పు’ మూవీ బాక్స్ ఆఫీస్ వద్ద సృష్టిస్తున్న వసూళ్ల సునామీ ని చూస్తుంటే , సూర్య రేంజ్ ఏంటి అనేది ఈ జనరేషన్ కుర్రాళ్లకు తెలుస్తోంది. ముఖ్యంగా తమిళనాడు రాష్ట్రంలో ఈ చిత్రానికి రెండవ రోజు , మూడవ రోజు నమోదైన వసూళ్లు తమిళ సూపర్ స్టార్స్ గా చలామణి అవుతున్న విజయ్ , రజినీకాంత్ , అజిత్ సినిమాల వసూళ్లను మించి ఉన్నాయి. ఇది సాధారమైన విషయం కాదు. మూడవ రోజున ఈ చిత్రానికి ప్రపంచవ్యాప్తంగా అన్ని ప్రాంతీయ భాషలకు కలిపి 50 కోట్ల రూపాయిల గ్రాస్ వసూళ్లు నమోదు అయ్యాయి అట.
మన తెలుగు సినిమాలకు కూడా ఈ రేంజ్ గ్రాస్ వసూళ్లు రెండవ రోజు కానీ , మూడవ రోజు కానీ నమోదు అవ్వలేదు. ఇకపోతే మూడు రోజుల థియేట్రికల్ రన్ ని పూర్తి చేసుకున్న ఈ చిత్రం ప్రాంతాల వారీగా ఎంత గ్రాస్ వసూళ్లను రాబట్టిందో ఒకసారి చూద్దాం. తమిళనాడు ప్రాంతం నుండి 50 కోట్ల రూపాయిల గ్రాస్ వసూళ్లను రాబట్టిన ఈ చిత్రానికి , తెలుగు రాష్ట్రాల నుండి 13 కోట్లు, కర్ణాటక రాష్ట్రం నుండి 10 కోట్లు , కేరళ రాష్ట్రం నుండి 6 కోట్ల 55 లక్షలు , హిందీ + రెస్ట్ ఆఫ్ ఇండియా నుండి 1 కోటి 55 లక్షలు , ఓవర్సీస్ నుండి 41 కోట్ల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి 122 కోట్ల రూపాయిల గ్రాస్ వసూళ్లు, 60 కోట్ల రూపాయిల షేర్ వసూళ్లు వచ్చాయి.
తెలుగు రాష్ట్రాల విషయానికి వస్తే నైజాం ప్రాంతం నుండి 5 కోట్ల 80 లక్షల రూపాయిల గ్రాస్ వసూళ్లు రాగా , ఆంధ్ర ప్రదేశ్ + సీడెడ్ నుండి 7 కోట్ల 20 లక్షల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి 13 కోట్ల రూపాయిల గ్రాస్ వసూళ్లు, 6 కోట్ల 60 లక్షల రూపాయిల షేర్ వసూళ్లు వచ్చాయి. ఈ చిత్రానికి సంబంధించిన తెలుగు వెర్షన్ థియేట్రికల్ రైట్స్ ని అన్నపూర్ణ స్టూడియోస్ సంస్థ 7 కోట్ల రూపాయలకు కొనుగోలు చేసింది. ఇక కేవలం 40 లక్షల రూపాయిలను రాబడితే ఈ సినిమా బ్రేక్ ఈవెన్ మార్కుని అందుకొని తెలుగు వెర్షన్ లో క్లీన్ సూపర్ హిట్ స్టేటస్ కి చేరుకుంటుంది.
