Karuppu Movie Collections: ‘తమిళ హీరో సూర్య నటించిన లేటెస్ట్ చిత్రం ‘కరుప్పు’ ఎలాంటి అంచనాలు లేకుండా విడుదలై బాక్స్ ఆఫీస్ వద్ద సృష్టించిన వసూళ్ల సునామీ ని నేటి తరం ఆడియన్స్ అంత తేలికగా మర్చిపోవడం కష్టమే. సూర్య ఇక ఎప్పటికీ కం బ్యాక్ ఇవ్వలేదు , ఆయన పని ఇక అయిపోయింది అని అనుకున్న ప్రతీ ఒక్కరి నోర్లను మూయించిన సినిమా ఇది. గత సినిమాల ప్రభావం కారణంగా కాస్త ఓపెనింగ్ వసూళ్లు తగ్గాయి కానీ, రెండవ రోజు నుండి మాత్రం ఈ సినిమా బాక్స్ ఆఫీస్ వద్ద శివ తాండవం చేసింది అనే చెప్పాలి. 20 రోజుల థియేట్రికల్ రన్ ని పూర్తి చేసుకుంది. ప్రాంతాల వారీగా ఈ చిత్రానికి ఎంత గ్రాస్ వసూళ్లు వచ్చాయి, బయ్యర్స్ కి ఎంత లాభాలు వచ్చాయి అనేది ఒకసారి వివరంగా చూద్దాం.
ముఖ్యంగా తమిళనాడు ప్రాంతం నుండి ఈ చిత్రానికి నమోదైన వసూళ్లు ట్రేడ్ విశ్లేషకులను విస్మయానికి గురి చేస్తోంది. అక్కడి ట్రేడ్ విశ్లేషకుల లెక్కల ప్రకారం చూస్తే ఈ చిత్రానికి తమిళనాడు నుండి 20 రోజుల్లో 150 కోట్ల రూపాయిల గ్రాస్ వసూళ్లు వచ్చాయి. ఫుల్ రన్ లో 165 కోట్ల రూపాయిల గ్రాస్ మార్కుని అందుకునే అవకాశాలు ఉన్నాయి. అదే విధంగా తెలుగు రాష్ట్రాల నుండి 32 కోట్ల రూపాయిల గ్రాస్ వసూళ్లను రాబట్టగా, కర్ణాటక నుండి 21 కోట్ల 60 లక్షలు, కేరళ నుండి 13 కోట్లు , హిందీ + రెస్ట్ ఆఫ్ ఇండియా నుండి 3 కోట్ల రూపాయిలు , ఓవర్సీస్ నుండి 80 కోట్ల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి ప్రపంచవ్యాప్తంగా 298 కోట్ల రూపాయిల గ్రాస్ వసూళ్లు నమోదు అయ్యాయి. రేపు లేదా ఎల్లుండి తో ఈ చిత్రం 300 కోట్ల గ్రాస్ మార్కుని అందుకోనుంది.
ఇప్పటి వరకు కోలీవుడ్ లో 300 కోట్ల గ్రాస్ మార్కుని అందుకున్న హీరోలు కేవలం నలుగురే. సూపర్ స్టార్ రజినీకాంత్ రోబో నుండి వరుసగా ఆ మార్కుని అందుకుంటూ రాగా, విజయ్ బిజిల్ , మెర్సల్, లియో , గ్రేటెస్ట్ ఆఫ్ ఆల్ టైం చిత్రాలతో ఈ 300 కోట్ల మార్కుని అందుకున్నారు. ఆ తర్వాత కమల్ హాసన్ విక్రమ్ చిత్రం తో ఈ క్లబ్ లోకి జాయిన్ అవ్వగా, లేటెస్ట్ గా సూర్య కూడా ఈ ఎలైట్ క్లబ్ లోకి చేరిపోయాడు. అంతే కాదు బాక్స్ ఆఫీస్ వద్ద ఈ చిత్రం మరో 10 నుండి 15 కోట్ల గ్రాస్ ని రాబట్టే అవకాశం ఉంది. బయ్యర్స్ కి ఇప్పటి వరకు 70 కోట్ల రూపాయిల లాభాలు వచ్చాయి.
