Karate Kalyani- Devi Sri Prasad: టాలీవుడ్ ఇండస్ట్రీలో మ్యూజిక్ డైరెక్టర్ దేవిశ్రీ ప్రసాద్ కు ప్రత్యేకమైన గుర్తింపు ఉంది. కొన్ని సినిమాలకు ఆయనే సంగీతం అందించాలని యూత్ ఆరాటపడుతుంటారు. మెగా ఫ్యాన్స్ ను దృష్టిలో పెట్టుకొని ఆయన సినిమాలకు దాదాపు దేవీనే మ్యూజిక్ అందించాలని కొందరు డైరెక్టర్లు కోరుతుంటారు. మెగా సినిమాలకే కాకుండా దేవి ఇతర సినిమాలకు కూడా మంచి సంగీతాన్ని అందించి కుర్రాళ్లలో జోష్ పెంచారు. ఓ వైపు సినిమాలకు మ్యూజిక్ అందిస్తూనే.. మరోవైపు పాప్ అల్బమ్ తయారు చేస్తున్నాడు దేవి. ఇందులో భాగంగా ఆయన ఇటీవల ‘ ఓ పారి’ అనే అల్బమ్ ను తయారు చేశారు. ఇందులో విదేశీ మోడల్స్ ను పెట్టి రచ్చ చేశారు. ఈ సాంగ్ బాగానే ఉన్నా.. ఇందులో వాడిన పదాలు ఇప్పుడు వివాదాస్పదంగా మారాయి. దీంతో దేవిశ్రీప్రసాద్ పై ప్రముఖ నటి కరాటే కళ్యాణి సైబర్ క్రైమ్ లో ఫిర్యాదు చేసింది. ఇంతకీ వివాదామేంటంటే..?
సాధారణంగా సినిమాలకు సంబంధించిన పాటలు వివాదాస్పదంగా మారుతూ ఉంటాయి. అయితే కొందరు ఆ సినిమా హైలెట్ కావడానికి ఇలా చేస్తుంటారని అంటారు.. కానీ ఇప్పుడు దేవిశ్రీ రూపొందించిన అల్బమ్ వివాదాస్పదంగా మారడం చర్చనీయాంశంగా మారింది. ప్రముఖ నటి కరాటే కళ్యాణి ఈ సాంగ్ పై ఫిర్యాదు చేయడం హాట్ టాపిక్ గా మారింది. దేవిశ్రీ చివరిసారిగా ‘పుష్ప’ సినిమాకు మ్యూజిక్ అందించారు. ఈసినిమా పాటలు బంపర్ హిట్టుకొట్టాయ. అప్పుడు కూడా ‘కోకా’ సాంగ్ పై కొందరు విమర్శలు చేశారు. అయితే తాజాగా హిందువుల మనోభావాలను దెబ్బతీసేలా సాంగ్ కు క్రియేట్ చేశారని అంటున్నారు.
‘ఓ పారి’ అల్బమ్ లో విదేశీ మోడల్స్ నృత్యం ఉంటుంది. అమెరికా, ఆస్ట్రేలియా, స్పెయిన్ లాంటి దేశాల్లో దీనిని చిత్రీకరించారు. ఈ సాంగ్ పూర్తి బాధ్యతలు తనదేనని దేవి శ్రీ ఇదివరకే ప్రకటించారు. అయితే ఇందులో ‘హరే రామ.. హరే కృష్ణ’ అనే పదాలు వినిపిస్తుంటాయి. ఐటెం సాంగులో ఇలాంటి పదాలు వాడడంపై అభ్యంతరం వ్యక్తమవుతున్నాయి. అశ్లీలమైన దుస్తులు ధరించి ఇలాంటి పదాలు వాడడం హిందువుల మనోభావాలు దెబ్బతినేలా ఉన్నాయని హిందూ సంఘాలు విమర్శలు చేస్తున్నాయి.
ఈ క్రమంలో ప్రముఖ నటి కరాటే కళ్యాణి దేవిశ్రీ ప్రసాద్ పై వెంటనే చర్యలు తీసుకోవాలని సైబర్ క్రైమ్ లో ఫిర్యాదు చేసింది. ఈ ఆల్బమ్ ను నిలిపివేసి హిందువులకు దేవి శ్రీ ప్రసాద్ క్షమాపణలు చెప్పాలని ఆమె డిమాండ్ చేసింది. అలా కాదని సాంగ్ రిలీజ్ చేస్తే దేవిశ్రీ కార్యాలయాన్ని ముట్టడిస్తామని హెచ్చరించింది. అయితే ఇప్పటి వరకు ఈ సాంగ్ గురించి ఎవరికీ తెలియదు. కానీ ఇప్పుడు దీని కోసం జనాలు వెతుకుతున్నారు.
