Kalki 2 Movie Updates: ప్రస్తుతం ప్రభాస్ చేస్తున్న చిత్రాల్లో అభిమానులతో పాటు ప్రేక్షకులు కూడా ఎంతో ఆసక్తిగా ఎదురు చూస్తున్న చిత్రం ‘కల్కి 2’. రీసెంట్ గానే ఈ చిత్రానికి సంబంధించిన షూటింగ్ మొదలైంది. రెండు షెడ్యూల్స్ ని పూర్తి చేశారు , ప్రస్తుతం మూడవ షెడ్యూల్ కూడా సాగుతోంది. అయితే అత్యధిక శాతం ఇప్పటి వరకు అమితాబ్ బచ్చన్ , కమల్ హాసన్ లపైనే అత్యధిక షాట్స్ ని తెరకెక్కించారు. ఇదంతా పక్కన పెడితే లేటెస్ట్ వినిపిస్తున్న సమాచారం ఏమిటంటే , ఈ సినిమా షూటింగ్ కార్యక్రమాలు అప్పుడే 60 శాతానికి పైగా పూర్తి అయ్యిందట. ఇదే ఇప్పుడు హాట్ టాపిక్ గా మారిన అంశం. నిన్న గాక మొన్న మొదలైందని అంటున్నారు , ప్రభాస్ ఇంకా సెట్స్ లోకి అడుగుపెట్టలేదని అంటున్నారు , కానీ అప్పుడే 60 శాతం షూటింగ్ పూర్తి అయ్యిందని అంటున్నారేంటి అని మీరు అనుకోవచ్చు.
కానీ అసలు విషయం లోకి వెళ్తే, ఈ సీక్వెల్ కి సంబంధించిన షూటింగ్ మొదటి భాగాన్ని తెరకెక్కిస్తున్న సమయంలోనే షూట్ చేశారట. చాలా వరకు సన్నివేశాలు ప్రభాస్ పైనే అప్పట్లో పూర్తి చేశారట. అందుకే 60 శాతం షూటింగ్ పూర్తి అయ్యిందనే సమాచారం బయటకు వచ్చిందని అంటున్నారు. మరి దీపికా పదుకొనే ఈ చిత్రం నుండి తప్పుకుంది కదా, ఇప్పుడు ప్రభాస్ తో ఆమె కాంబినేషన్ సన్నివేశాలను వేరే హీరోయిన్ తో రీ షూట్ చేస్తారా ?, లేదంటే సినిమా నుండే ఆ సన్నివేశాలను శాశ్వతంగా తొలగిస్తారా అనేది తెలియాల్సి ఉంది. ప్రస్తుతానికి ప్రభాస్ విదేశీ పర్యటన లో ఉన్నాడు. తిరిగి వచ్చిన తర్వాత ఆయన ‘స్పిరిట్’ మూవీ షెడ్యూల్ లో పాల్గొనబోతున్నాడు. డెహ్రాడూన్ లో ఈ షెడ్యూల్ జరగబోతుంది. ఈ షెడ్యూల్ పూర్తి అయ్యాక , ప్రభాస్ ‘కల్కి 2’ సరికొత్త షెడ్యూల్ లో పాల్గొంటాడని తెలుస్తోంది.
ఈ చిత్రం నుండి దీపికా పదుకొనే తప్పుకున్న తర్వాత , సాయి పల్లవి ని ఎంచుకున్నారంటూ వార్తలు ప్రచారం లోకి వచ్చిన సంగతి తెలిసిందే. ఇప్పుడు లేటెస్ట్ గా వినిపిస్తున్న వార్త ఏమిటంటే , సాయి పల్లవి కి బదులుగా అలియా భట్ ని ఎంచుకున్నట్టు తెలుస్తోంది. ప్రస్తుతానికి అలియా తో చర్చలు చేస్తున్నారు మేకర్స్. ప్రభాస్ సరికొత్త షెడ్యూల్ లో పాల్గొనే లోపు అలియా భట్ తో డీల్ ముగిస్తారని అంటున్నారు. ఈ చిత్రం లో నటించడం కోసం ఆమె ఏకంగా 12 కోట్ల రూపాయిల రెమ్యూనరేషన్ ని డిమాండ్ చేసినట్టు తెలుస్తోంది. మరో ఆసక్తికరమైన విషయం ఏమిటంటే , ఈ చిత్రానికి సంబంధించిన టీజర్ ని ఈ ఏడాది ప్రభాస్ పుట్టినరోజు సంద్రాభంగా అక్టోబర్ నెలలో విడుదల చేసే అవకాశాలు ఉన్నాయట.
