టాలీవుడ్లో ప్రస్తుత అగ్ర హీరోల్లో ఒకడు జూనియర్ ఎన్టీఆర్. ఇండస్ట్రీ ఫ్రెండ్స్, సన్నిహితులు అతడిని తారక్ అంటారు..ఫ్యాన్స్ అయితే యంగ్ టైగర్ అనే బిరుదుతో పిలుస్తారు. బిరుదే కాదు మూవీస్లో ఎన్టీఆర్ యాక్టింగ్ కూడా అలానే ఉంటుంది. ఏ సినిమా అయినా.. ఏ పాత్ర అయినా అవలీలగా చేస్తాడు. డ్యాన్స్లో ఎన్టీఆర్ కు ఎదురు లేదు. యాక్షన్ సీన్స్, ఫైటింగ్స్లో అయితే మరీ ఇరగదీస్తాడు. అతని బిరుదుకు సరిపోయేలా ‘పులిని దూరం నుంచి చూడాలనిపిస్తే చూసుకో. పులితో ఫొటో దిగాలనిపిస్తే కొంచెం రిస్క్ అయినా ఫర్వాలేదు ట్రై చెయ్. అదే చనువిచ్చింది కదా అని పులితో ఆడుకుంటే మాత్రం వేటాడేస్తది’ అంటూ యమదొంగలో రాజమౌళి తారక్తో పలికించిన డైలాగ్ ఎంత పాపులర్ అయిందో అందరికీ తెలిసిందే. అయితే ఆ మూవీలో డైలాగ్ మాత్రమే చెప్పిన ఎన్టీఆర్ ఇప్పుడు పులితో ఆటాడుతున్నాడు.
కరోనా టైంలో రేవంత్ కు ఛాన్స్ దొరికిందా?
రాజమౌళి పాన్ ఇండియా చిత్రం.. ఆర్ఆర్ఆర్ లో రామ్ చరణ్తో కలిసి తారక్ యాక్ట్ చేస్తున్న సంగతి తెలిసిందే. అల్లూరి సీతారామరాజు పాత్రలో చరణ్ కనిపిస్తుండగా.. కొమరం భీం పాత్రను ఎన్టీఆర్ పోషిస్తున్నాడు. అయితే, కథాను సారం ఓ సందర్భంలో భీం పాత్రధారి తారక్… పులితో తలపడుతాడట. అదీ మామూలుగా కాదు. దాదాపు ఐదారు నిమిషాలకు పైగా సాగే ఈ ఫైట్లో పులితో ఎన్టీఆర్ పోరాడతాడట. రాజమౌళి ఏదైనా పర్ఫెక్ట్ చేస్తాడు. బాహుబలిలో రానా.. బుల్ఫైట్ను గ్రాఫిక్స్లోనే నిజం అన్నట్టు చూపించాడు. ఇప్పుడు ఎన్టీఆర్-పులి మధ్య ఫైట్ సీన్ను గ్రాఫిక్స్తో తీసే వెలుసుబాటు ఉన్నా.. సహజత్వం కోసం నిజమైన పులిని పెట్టి రాజమౌళి ఫైట్ ప్లాన్ చేశాడని వినికిడి. ఓ ప్రొఫెషనల్ ట్రైనర్ ఆధ్వర్యంలో ఈ సీన్లు ఇప్పటికే చిత్రీకరించినట్టు తెలుస్తోంది. ఈ సీన్కు సంబంధించిన కొన్ని లీక్స్ కూడా బయటికి వచ్చాయి. అయితే, వెంటనే రంగంలోకి దిగిన యూనిట్ వాటిని అడ్డుకుందని సమాచారం. కాగా, ఈ మూవీలో ఎన్టీఆర్-పులి ఫైటే హైలైట్గా నిలుస్తుందని చిత్ర బృందం భావిస్తోందట. దాంతో రియల్ టైగర్తో రీల్ టైగర్ పోరు ఎలా ఉంటుందో చూడాలని తారక్ ఫ్యాన్స్ ఎదురు చూస్తున్నారు.
