Jersey Hindi: నాని హీరోగా క్రికెట్ బ్యాక్డ్రాప్లో తెరకెక్కిన జెర్సీ సినిమా ఎంత హిట్ అయ్యిందో ప్రత్యేకంగా చెప్పనక్కర్లేదు. అయితే, ఇప్పుడు ఈ సినిమా రీమేక్గా షాహిద్ కపూర్ హీరోగా గౌతమ్ తిన్ననూరి దర్శకత్వంలో హిందీలో రూపొందిస్తున్నారు. ఇక్కడ కూడా జెర్సీ అనే టైటిల్ పెట్టారు. ఇఁదులో మృణల్ ఠాకూర్, పంకజ్ కపూర్ కీలక పాత్రల్లో నటిస్తున్నారు. ఈ సినిమాకు దిల్రాజు, సూర్య దేవర నాగ వంశీ, అమన్ గిల్ సంయుక్తంగా నిర్మాతలుగా వ్యవహరిస్తున్నారు. అల్లు అరవింద్ సమర్పణలో ఈ సినిమా రానుంది.
కాగా ఇటీవలే ఈ సినిమాకు సంబందించిన ప్రచార చిత్రాలు, వీడియోలు నెట్టింట విడుదలై ప్రేక్షకులను అమితంగా ఆకట్టుకున్నాయి. తాజాగా, ఈ సినిమాకు సంబంధించిన ట్రైలర్ విడుదల చేసింది చిత్రబృందం. ఈ ట్రైలర్కు ప్రస్తుతం భారీ రెస్పాన్స్ వస్తోంది. ఇప్పటి వరకు 50 మిలియన్స్ పైగా వ్యూస్ను దక్కించుకుంది ఈ ట్రైలర్.. దీంతో పాటు, 852కేకి పైగా లైక్స్ సాధించింది. ఈ సినిమాను డిసెంబరు 31న ప్రేక్షకుల ముందుకు తీసుకురానుంది చిత్రబృందం.
తెలుగులో నాని హీరో కాగా.. అందులో నాని నటనకు ప్రశంసలు వెల్లువెత్తాయి. తండ్రి కొడుకుల డ్రమాతో పాటు, భార్య భర్తల ప్రేమ, మధ్యతరగతి కుటుంబాల కష్టాలు, ఇలా ప్రతి చిన్న ఎలివేషన్ను మిస్ చేయకుండా ప్రేక్షకులను కట్టిపడేసేలా ఈ సినిమాను తెరకెక్కించారు. ఇప్పుడు రీమేక్గా వస్తోన్న హిందీ జెర్సీ.. ప్రేక్షకులను ఏ మాత్రం అలరిస్తుందో చూడాలి.