‘జెర్సీ’ మూవీ హిందీలో కూడా భారీ స్థాయిలోనే రీమేక్ అవుతున్న సంగతి తెలిసిందే. బాలీవుడ్ స్టార్ హీరో షాహిద్ కపూర్ నటిస్తున్న ఈ సినిమాలో హీరోయిన్ గా మొదట రష్మిక మండన్నాను అనుకున్నారు. కానీ, ఆమె ఈ సినిమా అంగీకరించలేదు. అయితే షాహిద్ కపూర్ లాంటి స్టార్ సరసన బాలీవుడ్ లో ఎంట్రీ ఇచ్చి ఉంటే రష్మిక కెరీర్ కి అది బాగా ప్లస్ అయ్యేది. బాలీవుడ్ లో కూడా స్టార్ డమ్ తెచ్చుకుని బిజీ అయ్యేది. మొత్తానికి హీరోయిన్ గా ఆమె రేంజ్ ఇంకా పెరిగేది.
కానీ ఆమె మంచి అవకాశాన్ని మిస్ చేసుకుంది. రష్మిక దీని పై ఇటీవలే స్పందిస్తూ.. ‘ నేను కమర్షియల్‌ సినిమాలే చేయాలనుకుంటున్నాను. కానీ ‘జెర్సీ’ రియలిస్టిక్ చిత్రం. అందుకే ఆ సినిమా ఒప్పుకోలేదు. అని చెప్పుకొచ్చింది, ఏమైనా ఆమె నిర్ణయం మాత్రం సరైనది కాదంటున్నారు నెటిజన్లు. మరోవైపు రష్మిక వదిలేసిన అవకాశాన్ని దక్కించుకున్న హీరోయిన్ మృణాల్‌ ఠాకూర్‌ కు, ‘జెర్సీ రీమేక్’తో బాలీవుడ్ లో మంచి పాపులారిటీ రాబోతుందని బాలీవుడ్ సర్కిల్స్ లో వినిపిస్తోంది.
బీజేపీ చర్యలకు… పవన్ జవాబుదారు కాదా?
ఇక షాహిద్ కపూర్ ఇంతకుముందే తెలుగు చిత్రం ‘అర్జున్ రెడ్డి’ని హిందీలోకి ‘కబీర్ సింగ్’ పేరుతో రీమేక్ చేసి భారీ హిట్ అందుకొన్నారు. ఇప్పుడు కూడా అదే రీమేక్ ఫార్ములాను ఫాలో అవుతూ చేస్తున్న ఈ సినిమా మీద హిందీ ప్రేక్షకుల్లో కూడా అమితాశక్తి నెలకొని ఉంది.
