Jana Nayagan release date confirmed: ఈమధ్య కాలం లో సోషల్ మీడియా లో ఒక రేంజ్ లో ట్రెండ్ అయిన సినిమా పేర్లలో ఒకటి ‘జన నాయగన్'(Jana Nayagan Movie). తమిళ హీరో విజయ్(Thalapathy Vijay) నటించిన ఈ చిత్రం , ఈ సంక్రాంతి కానుకగా జనవరి 9 న విడుదల కావాల్సింది. కానీ సెన్సార్ బోర్డు మెంబెర్స్ సర్టిఫికేట్ నిరాకరించడంతో ఇన్ని రోజులు ఈ చిత్రం విడుదలకు నోచుకోలేదు. ఇప్పటికీ ఈ సినిమాకు సంబంధించిన సెన్సార్ సర్టిఫికేట్ రాలేదు. ఎన్నికలు అయిపోయిన వెంటనే వస్తుందని అనుకున్నారు కానీ, అది కూడా జరగలేదు. దీంతో ఈ సినిమా విడుదల మరికొన్ని నెలలు వాయిదా పడుతుందేమో అని అంతా అనుకున్నారు. కానీ ఈ చిత్రాన్ని మే 8 న ప్రపంచవ్యాప్తంగా అన్ని ప్రాంతీయ భాషల్లో విడుదల చెయ్యడానికి సన్నాహాలు చేస్తున్నట్టు తెలుస్తోంది. రీసెంట్ గానే జరిగిన తమిళనాడు ఎన్నికలకు సంబందించి ఫలితాలు మే 4 న రాబోతుంది.
ఈ నేపథ్యంలో ఎన్నికల ఫలితాలు వెలువడిన నాలుగు రోజులకే ఈ సినిమాని విడుదల చేయడం వల్ల, మంచి రీచ్ వచ్చే అవకాశం ఉంటుందని , అప్పటి మే 4 లోపు సెన్సార్ సర్టిఫికేట్ కూడా వచ్చే అవకాశాలు ఉన్నాయని అంటున్నారు ట్రేడ్ విశ్లేషకులు. చాలామంది తమిళనాడు లో విజయ్ TVK పార్టీ విజయం సాదిస్తుందని, విజయ్ ముఖ్యమంత్రి కాబోతున్నాడని అంటున్నారు. మరికొంత మంది అయితే , విజయ్ కి సీట్లు రాకపోయినా భారీ ఓటు షేర్ వస్తుందని అతను పోటీ చేసిన రెండు స్థానాల్లో గెలుస్తాడని అంటున్నారు. ఇక రాజకీయ విశ్లేషకులు చెప్పేది ఏమిటంటే , విజయ్ పార్టీ ప్రభావం అంతగా ఉండదని , ఆయన పోటీ చేసిన రెండు స్థానాల్లో కూడా ఓడిపోతాడని, ఓటు షేర్ 10 శాతం కంటే తక్కువ ఉంటుందని అంటున్నారు. వీటిల్లో ఏది నిజం అవుతుందో తెలియదు కానీ , పైన ఏది జరిగినా విజయ్ పేరు నేషనల్ లెవెల్ లో ఒక రేంజ్ లోన్ ట్రెండ్ అవ్వబోతుంది.
ఆ ఊపులో జన నాయగన్ చిత్రాన్ని విడుదల చేస్తే, ఓపెనింగ్స్ వేరే లెవెల్ లో ఉంటుందని , ఇప్పుడు తప్ప, ఇంకెప్పుడు విడుదల చేసినా , ఆ చిత్రానికి ఓపెనింగ్స్ వచ్చే పరిస్థితి లేదని అంటున్నారు ట్రేడ్ విశ్లేషకులు. త్వరలోనే ఈ చిత్రానికి సంబంధించిన విడుదల తేదీని అధికారికంగా ప్రకటించబోతున్నారు. రీసెంట్ గానే ఈ చిత్రం మొత్తం ఆన్లైన్ లో లీక్ అయిపోయిన సంగతి తెలిసిందే. అభిమానులు తీవ్రమైన ఆందోళన వ్యక్తం చేశారు. లక్షల సంఖ్యలో ప్రేక్షకులు ఈ చిత్రాన్ని ఆన్లైన్ లో వీక్షించేశారు. కాబట్టి ఈ చిత్రానికి ఓపెనింగ్స్ తప్ప, లాంగ్ రన్ రావడం అసాధ్యమని అంటున్నారు ట్రేడ్ విశ్లేషకులు , చూడాలి మరి ఏమి జరగబోతుంది అనేది.
