Peddi Movie Jagapathi Babu Dubbing: ‘పెద్ది’ చిత్రానికి డబ్బింగ్ చెప్పడం కోసం జగపతి బాబు కష్టాలు చూడండి.. వైరల్ అవుతున్న వీడియో..

Peddi Movie Jagapathi Babu Dubbing: ఎక్కడ చూసిన ఇప్పుడు మనకి కనిపిస్తున్న , వినిపిస్తున్న పేరు ‘పెద్ది’. గ్లోబల్ స్టార్ రామ్ చరణ్ హీరో గా నటించిన ఈ చిత్రం పై టీజర్ విడుదల సమయం నుండే అంచనాలు తారా స్థాయిలో ఏర్పడ్డాయి. ఇక ఆ తర్వాత విడుదలైన ‘చికిరి చికిరి’ సాంగ్ సెన్సేషనల్ హిట్ అవ్వడం తో , సినిమా పై అంచనాలు ఎవ్వరూ ఊహించని రేంజ్ కి చేరుకున్నాయి. రెండవ సాంగ్ ‘రయ్ రయ్ రారా’ పాటకు , అదే విధంగా రామ్ చరణ్ పుట్టినరోజు సందర్భంగా విడుదల చేసిన పహిల్వాన్ గ్లింప్స్ వీడియో కి కూడా ఆడియన్స్ నుండి అదే రేంజ్ రెస్పాన్స్ వచ్చింది. ఈ సినిమా తో రామ్ చరణ్ బాక్స్ ఆఫీస్ కుంభస్థలం బద్దలు కొట్టబోతున్నాడని అందరూ బలంగా ఫిక్స్ అయిపోయారు. ఇప్పుడు ఈ సినిమా విడుదలకు పట్టుమని 8 రోజుల సమయం మాత్రమే ఉంది.

ఇప్పటికే ‘పెద్ది’ మేనియా తారా స్థాయికి చేరుకుంది, మేకర్స్ ఆ మేనియా ని రెట్టింపు చేసేవిధంగా , అభిమానుల్లో ఉత్సాహం రేకెత్తించేలా ప్రతీ రోజు ఎదో ఒక కంటెంట్ ని విడుదల చేస్తూనే ఉన్నారు. నిన్నటితో రామ్ చరణ్ తన పాత్రకు సంబంధించిన డబ్బింగ్ ని పూర్తి చేసాడని డైరెక్టర్ బుచ్చి బాబు చెప్పుకొచ్చాడు. ఇక నేడు ఈ చిత్రం లో కీలక పాత్ర పోషించిన జగపతి బాబు కూడా డబ్బింగ్ పూర్తి చేశాడు. అందుకు సంబంధించిన వీడియో ని స్వయంగా జగపతి బాబు తన సోషల్ మీడియా అకౌంట్స్ ద్వారా విడుదల చేయగా, అది బాగా వైరల్ అయ్యింది. ఈ వీడియో లో ఆయన డబ్బింగ్ చెప్తున్న విధానం ని చూస్తే ఎవరికైనా ఆశ్చర్యం వేయక తప్పదు. గతం లో ఆయన ‘అరవింద సమేత’ చిత్రానికి డబ్బింగ్ చెప్తున్నప్పుడు , ఆయన నోటి నుండి రక్తం కారింది.

ఎందుకంటే ఫక్తు రాయలసీమ యాసతో మాట్లాడాలి కాబట్టి. ఇక ‘పెద్ది’ చిత్రం లో ఉత్తరాంధ్ర యాస మాట్లాడాల్సి ఉంటుంది. దీని కోసం కూడా డబ్బింగ్ చాలా కస్టపడి చెప్పాలి , అందుకే జగపతి బాబు తన వైపు నుండి బెస్ట్ డబ్బింగ్ ఇచ్చేందుకు ప్రయత్నం చేశాడు. ఇక ఈ వీడియో ని చూస్తుంటే , ఈ చిత్రం లో జగపతి బాబు నటించలేదు , జీవించాడు అని అనిపిస్తోంది. ఆయన పాత్ర కచ్చితంగా ఆడియన్స్ చేత కంటతడి పెట్టించేలాగానే ఉండబోతుందని అర్థం అవుతోంది. ఆ డైలాగ్స్ ని వింటుంటే అలాగే ఉంది. డైరెక్టర్ బుచ్చి బాబు కూడా, ఈ చిత్రం లో రామ్ చరణ్ పాత్రతో పాటు, జగపతి బాబు పాత్రని కూడా ఆడియన్స్ జీవితాంతం గుర్తించుకుంటారని చెప్పడం, ఆయన మేకోవర్ కూడా చాలా అద్భుతంగా ఉండడంతో , ఆడియన్స్ లో ఈ పాత్ర పై అంచనాలు భారీగానే ఉన్నాయి చూడాలి మరి ఆ అంచనాలను ఈ పాత్ర అందుకోగలదా లేదా అనేది.