ఆంధ్రప్రదేశ్ ముఖ్యమంత్రిగా వైఎస్ జగన్మోహన్ రెడ్డి తనదైన శైలిలో ముందుకు పోతున్నాడు. ఎవరిని ఎక్కడ ఎలా వాడుకోవాలి ? ఎవరికి ఏది ఇవ్వాలి లాంటి వాటిల్లో జగన్ ఆరితేరిపోయారు. ఈ క్రమంలో మెగాస్టార్ చిరంజీవికి రాజ్యసభ సీటు ఇవ్వనున్నారనే వార్తలు బాగా వైరల్ అయ్యాయి. అయితే ఈ వార్తలు మెగాభిమానులను ముఖ్యంగా పవర్ స్టార్ పవన్ కళ్యాణ్ ని తీవ్రంగా కలవరపాటుకు గురి చేశాయి.
ఒకవేళ మెగాస్టార్ ఆ పదవిని స్వీకరిస్తే ? ఇక పవన్ కళ్యాణ్ రాజకీయానికి అది పెద్ద దెబ్బ అవుతుంది కదా ? జగన్ ను వ్యతిరేకిస్తూ పవన్ పోరాటం చేస్తుంటే.. చిరంజీవి జగన్ పంచన చేరితే.. పవన్ కళ్యాణ్ ప్రజల్లో పలచన అయిపోవడం ఖాయం. పైగా ఇప్పుడు అందరివాడుగా ఉన్న మెగాస్టార్ మరోసారి రాజకీయాల్లోకి వచ్చి భంగపాటు పడటం అవసరమా ?
పైగా జగన్ ఇచ్చే పదవి స్వీకరించి మళ్ళీ రాజకీయంగా తప్పటడుగులు వేయడం ఎంతవరకు కరెక్టు ? మెగాస్టార్ మళ్ళీ ఎలాంటి రాజకీయ పొరపాట్లు చేయొద్దనేది మెగాభిమానుల అభిప్రాయం. అసలు ఇంతకీ వైఎస్ జగన్ మోహన్ రెడ్డి నిజంగానే మెగాస్టార్ ను తన వైపు తిప్పుకోవడానికి ప్లాన్ వేశాడా ? తన రాజకీయ ప్రణాళిక ప్రకారం చిరంజీవికి జగన్ గాలం వేశాడా ?
మరి జగన్ గాలానికి చిరంజీవి స్పందన ఏమిటి ? అని ఆరా తీస్తే… ఈ వార్త పై ఫుల్ క్లారిటీ వచ్చింది. చిరంజీవి వర్గం ఇదంతా ఊహాగానమే అంటోంది. వాస్తవానికి జగన్ ప్రభుత్వం నుండి ఎలాంటి ప్రపోజల్ తమకు రాలేదని, కానీ మీడియాలో వార్తలు వచ్చాయని, ఆ వార్తలు మమ్మలను కూడా బాగా ఆశ్చర్యపరిచాయని చిరంజీవి టీం చెప్పుకొచ్చింది.
