ఈ సందర్భంగా జాక్వెలిన్ ఫెర్నాండేజ్ మాట్లాడుతూ ‘విక్రాంత్‌ రోణ’ సినిమాలో భాగమైన ప్రతి క్షణాన్ని నేను ఆస్వాదించాను. ప్రతి విషయంలో నేను చాలా ఎగ్జయిట్‌మెంట్‌ అవుతూ ఉంటాను. నా కెరీర్‌లో ఈ సినిమా ఒక సూపర్‌ స్పెషల్‌ గా నిలిచిపోతుంది. నాకు జీవితాంతం గుర్తుండిపోయే చిత్రమవుతుంది’’ అంటూ జాక్వెలిన్ ఫెర్నాండేజ్ తెగ సంతోషపడిపోతుంది.
ఎందుకు ఈ హాట్ బ్యూటీ ఇంతగా బిల్డప్ ఇస్తోంది అంటే.. అమ్మడికి మంచి రెమ్యునరేషన్ అందింది. దాంతో ఈ సినిమా గురించి తెగ పొగుడుతూ ఉంది. ఇక ఈ చిత్రంలో రాక్వెల్‌ డీ కోస్టా అలియాస్‌ గదంగ్‌ రాక్కమ్మగా ఆమె నటిస్తున్నారు. అన్నట్టు ముంబై బిల్‌ బోర్డ్స్‌ సహా ఇతర నగరాల్లో కూడా ఈ సినిమాలోని జాక్వెలిన్ ఫెర్నాండేజ్ ఫస్ట్‌ లుక్‌ ను ప్రదర్శించనున్నారు. ‘
అనూప్‌ భండారీ దర్శకత్వంలో రానున్న ఈ సినిమాని జాక్‌ మంజునాథ్‌– షాలిని మంజునాథ్‌ నిర్మిస్తున్నారు. ‘రాబోయే తరాలు గుర్తు పెట్టుకునేలా ఓ సినీ అద్భుతాన్ని సృష్టించే దారిలో ప్రయాణిస్తున్నాం’ అంటూ ఈ సినిమా నిర్మాత జాక్‌ మంజునాథ్‌ చెబుతున్నాడు. మరి ఏమిటో అద్భుతం అనేది ఆయనకే తెలియాలి. ఈ చిత్రానికి బి.అజనీశ్‌ లోక్‌నాథ్ సంగీతం అందిస్తున్నాడు.
