Samantha: సమంత స్ట్రాంగ్ ఉమెన్. అందులో ఎలాంటి సందేహం లేదు. మనసులో ఉన్నది ఏదైనా నిర్మొహమాటంగా చెప్పేస్తుంది. అలాగే సొసైటీతో సంబంధం లేకుండా నచ్చినట్లు బ్రతికేస్తుంది. కెరీర్ ప్రారంభంలోనే సమంత హీరోల రెమ్యూనరేషన్ మీద విమర్శలు చేశారు. ఒక చిత్ర విజయంలో హీరో హీరోయిన్ కి సమాన భాగం ఉంటుంది. అలాంటప్పుడు రెమ్యూనరేషన్స్ లో భారీ వ్యత్యాసం ఎందుకు అన్నారు. అప్పట్లో సమంత కామెంట్స్ వైరల్ అయ్యాయి. ఎదుగుతున్న సమయంలో సమంత అక్కర్లేని కాంట్రవర్సీల జోలికి పోతున్నారని హెచ్చరించారు.
ఇక వివాహమయ్యాక కూడా సమంత బోల్డ్ రోల్స్ చేసి షాక్ ఇచ్చారు. సూపర్ డీలక్స్, ది ఫ్యామిలీ మాన్ 2 ప్రాజెక్ట్స్ లో సమంత శృంగార సన్నివేశాల్లో నటించారు. విడాకులు అనంతరం ‘ఊ అంటావా మామా ఊఊ అంటావా మామా ‘ సాంగ్ లో హాట్ స్టెప్స్ తో కాకరేపారు. అదే సమయంలో సమంత కమిటెడ్ యాక్ట్రెస్. పాత్ర కోసం ఎంత కష్టపడడానికైనా వెనుకాడదు. ది ఫ్యామిలీ మాన్ 2 సిరీస్లో కఠినమైన యాక్షన్ సన్నివేశాల్లో ఆమె నటించారు. ఈ ప్రాజెక్ట్ సెట్స్ లో సమంత నిబద్దత చూసిన నటుడు మనోజ్ బాజ్ పాయ్ ప్రశంసలు కురిపించారు
పర్ఫెక్షన్ కోసం శరీరాన్ని సమంత చాలా కష్టపెడుతుందని చెప్పుకొచ్చారు. ది ఫ్యామిలీ మాన్ 2 కి మించి సిటాడెల్ కోసం సమంత శ్రమిస్తున్నారు. సిటాడెల్ సిరీస్లో లెక్కకు మించిన యాక్షన్ సన్నివేశాలు ఉంటాయట. సమంతకు యాక్షన్ పార్ట్ చాలా ఎక్కువని తెలుస్తుంది. దీంతో సిటాడెల్ షూటింగ్ వలన ఆమె ఒళ్ళు పులిసిపోతుందట. ఇటీవల రోప్స్ సహాయంతో గాల్లో ఎగిరి ఫైటింగ్స్ చేస్తున్న ఫోటోలు సమంత షేర్ చేశారు. తాజాగా మరో షాకింగ్ పిక్ పంచుకున్నారు.
సమంత ఐస్ బాత్ చేస్తున్న ఫోటో వైరల్ అవుతుంది. షూటింగ్ లో బాగా అలసిపోయిన సమంత రికవరీ అయ్యేందుకు ఐస్ బాత్ చేస్తున్నారట. ఇది టార్చర్ అంటూ ఆమె కామెంట్ పెట్టారు. సమంత బాతింగ్ ఫోటో సంచలనంగా మారింది. సదరు ఫోటో చూసిన ఫ్యాన్స్… సమంత గ్రేట్ అంటున్నారు. అందుకే ఆమె నెంబర్ వన్ హీరోయిన్ అయ్యారంటున్నారు. సిటాడెల్ తో పాటు సమంత ఖుషి చిత్ర షూటింగ్ లో పాల్గొంటున్నారు. విజయ్ దేవరకొండ హీరోగా నటిస్తున్నారు.
