Sara Arjun: సౌత్ ఇండియన్ దిగ్గజ దర్శకులలో ఒకడు మణిరత్నం తన డ్రీం ప్రాజెక్ట్ గా అనుకోని తెరకెక్కించిన ‘పొన్నియన్ సెల్వన్’ సిరీస్ తమిళ నాడు బాక్స్ ఆఫీస్ ని ఏ రేంజ్ లో షేక్ చేసిందో ప్రత్యేకించి చెప్పనక్కర్లేదు. మొదటి భాగం గత ఏడాది విడుదలై సుమారుగా 500 కోట్ల రూపాయిల గ్రాస్ ని రాబట్టగా, రెండవ భాగం ఈమధ్యనే విడుదలై బాక్స్ ఆఫీస్ వద్ద విలయతాండవం చేస్తుంది.
ఇక ఈ సినిమా లో నందిని పాత్రకి ఎంత మంచి పేరు వచ్చిందో ప్రత్యేకించి చెప్పనక్కర్లేదు. ఈ పాత్ర ని విశ్వ సుందరి ఐశ్వర్య రాయ్ ఎంతో అద్భుతంగా చేసింది. అయితే ఆమెకి ఏమాత్రం తీసిపోని విధంగా సారా అర్జున్ నందిని చిన్నప్పటి పాత్రలో ఎంతో అద్భుతంగా నటించింది. ఎవరు ఈ చిన్నారు , ఇంత చిన్న వయస్సు లో ఇంత బాగా నటించింది అని చూసిన ప్రతీ ఒక్కరు మాట్లాడుకున్నారు.
ఈ చిన్నారి మరెవరో కాదు, ప్రముఖ బాలీవుడ్ నటుడు రాజ్ అర్జున్ కుమార్తె. ఈయన బాలీవుడ్ లో ఎన్నో సూపర్ హిట్ సినిమాలలో విలన్ గా మరియు క్యారక్టర్ ఆర్టిస్టు గా చేసాడు. సారా అర్జున్ కి సరిగ్గా ఏడాదిన్నర వయస్సు ఉన్నప్పుడు ఒక రోజు షాపింగ్ కి వెళ్లగా అక్కడ ఒక ప్రముఖ ప్రకటన సంస్థ సారా అర్జున్ ని చూసి ఎంతో ముచ్చటపడ్డారు. ఈ అమ్మాయితో ఒక యాడ్ తీసుకోవడానికి అనుమతిని ఇస్తారా అని రాజ్ అర్జున్ ని అడిగి, అతని అనుమతి తీసుకొని మొదటి యాడ్ లో నటించింది, ఆ తర్వాత ఈ అమ్మాయికి 50 కి పైగా యాడ్స్ లో నటించే అవకాశం దక్కింది. మ్యాగీ , కళ్యాణ్ జ్యువెలర్స్ , క్లినిక్ ప్లస్ , మెక్ డొనాల్డ్స్ ఇలా ఎన్నో కమర్షియల్ యాడ్స్ లో నటించింది.
అలా సినిమాల్లో చైల్డ్ ఆర్టిస్టుగా కూడా ఈమె దాదాపు 15 సినిమాలకు పైగా నటించింది. వాటిల్లో విక్రమ్ తో చేసిన ‘దైవ తిరుమగళ్’ అనే సినిమా అప్పట్లో పెద్ద హిట్ అయ్యింది. తెలుగు లో ఈ చిత్రం ‘నాన్న’ అనే పేరు తో డబ్ అయ్యింది. ఇందులో విక్రమ్ తో ఈమె ఉన్న సన్నివేశాలు చూస్తే కన్నీళ్లు ఆగవు,అంత చక్కగా నటించింది, అలాంటి అమ్మాయికి నేడు పొన్నియన్ సెల్వన్ ద్వారా పాన్ వరల్డ్ రేంజ్ లో గొప్ప గుర్తింపు లభించడం అభినందనీయం.
