Jailer Child Artist: సూపర్ స్టార్ రజనీకాంత్ నటించిన ‘జైలర్’ ప్రభంజనం సృష్టిస్తోంది. పలు భాషల్లో రిలీజ్ అయిన ఈ చిత్రం తెలుగులోనూ బెస్ట్ మూవీగా నిలిచింది. రజనీకాంత్ హిట్టు, ఫట్టు లేకుండా సినిమాలు తీస్తున్నారు. తాజాగా ‘జైలర్ ’కు వచ్చిన రెస్పాన్స్ ఇదివరకు వచ్చిన సినిమాలకు రాలేదని కొందరు అంటున్నారు. ఈ తరుణంలో ఈ సినిమా సన్నివేశాలు, నటుల గురించి ప్రత్యేకంగా చర్చించుకుంటున్నారు. ముఖ్యంగా సినిమాలో నటించిన బాలనటుడి గురించి ఆరా తీస్తున్నారు. క్యూట్ గా ఉన్న ఈ అబ్బాయి రజనీకాంత్ కు మనువడి పాత్రలో నటించారు. అయితే ఆ బాలనటుడికి ప్రత్యేకంగా ఓ యూట్యూబ్ ఛానెల్ ఉందన్న విషయం తెలిస్తే షాక్ అవుతారు. అంతేకాకుండా ‘జైలర్’ కంటే ముందే రెండు స్టార్ల సినిమాల్లో నటించారు. మరి ఈ బుడ్డోడి గురించి పూర్తి వివరాల్లోకి వెళితే..
జైలర్ సినిమాలో రజనీకాంత్ తో పాటు చాలా మంది స్టార్ నటులు ఉన్నారు. మలయాళం నుంచి మోహన్ లాల్, కన్నడం నుంచి శివరాజ్ కుమార్,తెలుగు నుంచి సునీల్ తదితర స్టార్లు నటించారు. ఇక ఇందులో రజనీకాంత్ కు భార్యగా రమ్యకృష్ణ నటించారు. ఆయన కుమారుడిగా హీరో వసంత్ రవి, కోడలిగా మిన్నా మేనన్ నటించారు. వీరికి కుమారుడు అంటే రజనీకాంత్ కు మనువడిగా నటించిన అబ్బాయి పేరు రిత్విక్. ఈయన పిట్ట కొంచెం కూత ఘనం టైపు. ఎందుకంటే రిత్విక్ ను.. రిత్విక్ రాక్స్ అని పిలుస్తారు. అలా పిలవడానికి ఓ కారణం ఉంది.
‘రిత్విక్ రాక్స్ ’ పేరిట ఓ యూట్యూబ్ ఛానెల్ ఉంది. ఇందులో రిత్విక్ కు సంబంధించిన వీడియోలు ఉన్నాయి. ఇందులో రిత్విక్ డ్యాన్స్ తో పాటు కామెడీ వీడియోలు కూడా చేశారు. తన తండ్రి జ్యోతిరాజ్ ఈ ఛానెల్ బాధ్యతలను చూసుకుంటాడు. రిత్విక్ చేసిన వీడియోలు బాగా పాపులర్ అయ్యాయి. దీంతో ఈ ఛానెల్ ను పాలో అయ్యేవారి సంఖ్య విపరీతంగా పెరిగింది. 2023 ఆగస్టు నాటికి రిత్విక్ రాక్స్ 2.36మిలియన్ సబ్ స్క్రైబర్లుగా మారిందంటే మాములు విషయం కాదు. మిగతా సోషల్ మీడియాల్లోనూ రిత్విక్ వీపరీత ఫాలోయింగ్ ను పెంచుకుంటున్నాడు.
ఇలా తన వీడియోల ద్వారా పేమస్ కావడంతో ఆయనకు సినిమాల్లో అవకాశాలు వచ్చాయి. ‘జైలర్’ కంటే ముందు రిత్విక్ స్టార్ల సినిమాల్లో నటించారు. నయనతార నటించిన 02(ఆక్సిజన్) అనే సినిమాలో ఆమె కొడుకుగా నటించారు. ఆ తరువాత కార్తీ హీరోగా వచ్చిన ‘సర్దార్’ సినిమాలో లైలా కొడుకుగా నటించాడు. ఈ రెండు సినిమాల్లో తన ఫర్ఫామెన్స్ చూపించడంతో రిత్విక్ కు ‘జైలర్’ సినిమాలో సూపర్ స్టార్ రజనీకాంత్ మనువడిగా నటించే అవకాశం వచ్చింది. చిన్నవయసులోనే సంచలనాలు సృష్టిస్తున్న రిత్విక్ ముందు ముందు ఎలాంటి సక్సెస్ సాధిస్తాడో చూడాలి.
