Pawan kalyan: వకీల్ సాబ్ సినిమాతో చాలా కాలం తర్వాత బాక్సాఫీసును పలకరించి సూపర్ హిట్ కొట్టారు పవర్స్టార్ పవన్ కళ్యాణ్. ఇదే జోరుతో భీమ్లా నాయక్, హరిహర వీరమల్లు చిత్రాల్లో నటిస్తూ.. వరుసగా షూటింగుల్లో ఫుల్ బిజీగా ఉన్నారు. దీంతో పాటు రాజకీయాల్లోనూ బిజీగా గడుపుతున్నారు. మరోవైపు గబ్బర్సింగ్తో సూపర్ డూపర్ హిట్ కొట్టిన హరీశ్ శంకర్.. మరోసారి ఇదే కాంబినేషన్లో తెరకెక్కించేందుకు సిద్ధమయ్యారు. దీనికి భవదీయుడు భగత్సింగ్ అనే టైటిల్ అనుకున్నట్లు తెలుస్తోంది.
అయితే, ఈ సినిమాకు హీరోయిన్గా పూజా హెగ్డెను ఎంచుకున్నట్లు గతంలో హరీశ్ శంకర్ ఓ ఇంటర్వ్యూలో తెలిపారు. కానీ, ఇప్పుడు ఈ సినిమా షూటింగ్ ఆలస్యం అవుతుండటం వల్ల పవన్ సినిమా నుంచి పూజా తప్పుకోనున్నట్లు సమాచారం. ప్రస్తుత పరిణామాలు చూస్తుంటే ఈ సినిమా షూటింగ్ మొదలవడానికి మరికొన్ని నెలలు పట్టే అవకాశాలున్నట్లు తెలుస్తోంది. పవన్ ప్రస్తుతం వర్క్ చేస్తున్న సినిమాలు వచ్చే ఏడాదిలో విడుదల కానున్నాయి. ఆ తర్వాతే హరీశ్ శంకర్ సినిమా మొదలు కానున్నట్లు తెలుస్తోంది.
మరోవైపు, ఇప్పటికే వరుస అప్డేట్స్తో భీమ్లానాయక్పై టాప్ రేంజ్లో అంచనాలు పెరిగిపోతున్నాయి. తాజాగా, లాలా భీమ్లా పేరుతో మాస్ సాంగ్ను విడుదల చేసింది చిత్రబృందం. ఇందులో పవర్స్టార్ ఫుల్ మాస్లుక్తో అదరగొట్టారు. త్రివిక్రమ్ ఈ పాటకు రచన అందించారు. తమన్ స్వరాలు సమకూర్చారు. సాగర్ కె. చంద్ర దర్శకత్వంలో ఈ సినిమా తెరకెక్కుతోంది. వచ్చే ఏడాది సంక్రాంతికి ఈ సినిమా థియేటర్లలో సందడి చేయనుంది.
