Mega Star Chiranjeevi: మెగాస్టార్ చిరంజీవి రాజకీయాల కారణంగా కొన్ని సంవత్సరాలు సినిమాలకు దూరంగా ఉన్నారు. కానీ ఖైదీ నెంబర్‌ 150 తో మళ్లీ వెండితెరకు రీఎంట్రీ ఇచ్చిన చిరు తన సత్తా ఏ మాత్రం తగ్గలేదని నిరూపించారు. ఇక అనంతరం సైరా నర్సింహ రెడ్డిలో మరోసారి ప్రేక్షకులను మంత్ర ముగ్ధుల్ని చేశారు. కరోన నేపధ్యంలో సినిమాలకు బ్రేక్ పడగా … ఈ గ్యాప్ లో స్టోరీ సెలక్షన్స్‌ కు పని చెప్పి … ఇప్పుడు వరుస సినిమాలతో దూసుకుపోతున్నారు. ప్రస్తుతం మెగాస్టార్ చేతిలో ఏకంగా మూడు సినిమాలున్నాయి.
కొరటాల శివ దర్శకత్వం వహిస్తున్న ‘ఆచార్య’ చిత్రం విడుదలకు సిద్ధంగా ఉన్న విషయం తెలిసిందే. ఈ సినిమాతో పాటు… మోహన్‌ రాజా దర్శకత్వంలో లూసిఫర్ రీమేక్ లో తెరకెక్కుతోన్న ‘గాడ్‌ ఫాదర్‌’ లో కూడా నటిస్తున్నారు. ప్రస్తుతం ఈ మూవీ షూటింగ్‌ బిజీ బిజీగా గడుపుతున్నారు చిరు. ఈ సినిమాలో బాలీవుడ్‌ హీరో సల్మాన్ ఖాన్ ముఖ్య పాత్ర చేయనున్నట్లు సమాచారం అందుతుంది. దీంతో ఈ సినిమాపై భారీ అంచనాలు నెలకొన్నాయి. ఈ సినిమాకు సంగీత దర్శకత్వం వహిస్తున్న తమన్‌ తీసుకున్న నిర్ణయంతో … దేశ వ్యాప్తంగా ఈ సినిమా గురించి చర్చించుకుంటున్నారు.
ఈ సినిమాలో ఒక పాటను హాలీవుడ్‌ సింగర్‌ బ్రిట్నీ స్పియర్‌తో పాడించేందుకు తమన్‌ ప్రయత్నిస్తున్నట్లు టాక్‌ సినీ వర్గాల్లో గుసగుసలు వినిపిస్తున్నాయి. ఈ మేరకు బ్రిట్నీ స్పియర్స్ తెలుగులో పాట పాడేందుకు ఒప్పుకుంటారా లేదా అని అధికారిక ప్రకటన వచ్చే వరకు వేచి చూడక తప్పదు. మరి నిర్మాతలు కూడా ఆమె అడిగినంతా ఇచ్చేందుకు సిద్దంగా ఉన్నారా అని సోషల్ మీడియా లో కామెంట్లు చేస్తున్నారు.
Web Title: Hollywood singer singing a song in megastar movie
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
