Jagapathi Babu : సినీ నటులకు టన్నుల కొద్దీ హిప్పోక్రసి ఉంటుంది అంటారు. అయితే ఆ కేటగిరీలో జగపతిబాబుని చేర్చలేం. ప్రతి నాయకుడిగా నటించాడు. హీరోగా మెప్పించాడు. క్యారెక్టర్ ఆర్టిస్టుగా, కరుడుగట్టిన విలన్ గా నటిస్తున్నాడు. కూతురి ఇష్టాన్ని కాదనలేక ఓ విదేశీ యువకుడితో పెళ్లి చేసిన తండ్రిగా, సంపాదించిన డబ్బును జూదంలో పోగొట్టుకున్న వ్యసనపరుడిగా.. ఇలా చాలా కోణాలు ఉన్నాయి జగపతిబాబులో.. అందుకే ఆయనంటే చాలామంది ఇష్టపడుతుంటారు. ఆయనలా బతకాలి అని కోరుకుంటారు. 90 ల కాలంలో అల్ టైమ్ బ్లాక్ బస్టర్ సినిమాల్లో నటించిన జగపతిబాబు.. ఆ తర్వాత కొన్నాళ్లకు ఫెడ్ ఔట్ అయ్యారు. లెజెండ్ సినిమా ద్వారా విలన్ గా ఎంట్రీ ఇచ్చాడు. ఆ తర్వాత వెను తిరిగి చూసుకోలేదు.
సినీ నటుడు అయినప్పటికీ రియాల్టీలో నటించే జగపతిబాబు ఏ విషయానైనా సరే కుండబద్దలు కొట్టేస్తుంటారు. సంపాదించిన డబ్బును తీసుకెళ్లలేమని.. అందుకే తనకు ఇష్టమైన జూదంలో ఖర్చు పెడతానని జగపతిబాబు అంటాడు. జీవితాన్ని ఎప్పుడూ కూడా సీరియస్ గా జీవించొద్దని.. ప్రతిక్షణాన్ని ఆస్వాదించాలని జగపతిబాబు చెబుతుంటాడు. అందుకే ఆయనకు సర్కిల్ చాలా ఎక్కువ. సినీ నటులు మాత్రమే కాకుండా బయటి వ్యాపారవేత్తలతో జగపతిబాబుకు సత్సంబంధాలున్నాయి. సినిమా అయిపోగానే వెంటనే ఇంటికి వెళ్లే జగపతిబాబు.. కుటుంబంతో సరదాగా గడుపుతుంటాడు. పని ఒత్తిడి ఎక్కువైందనిపిస్తే విదేశాలకు వెళ్ళిపోతాడు. తనకు నచ్చిన ప్రదేశంలో తిరుగుతుంటాడు. తాను మెచ్చిన ప్రదేశంలో తింటూ ఉంటాడు. అక్కడ తాను ఎంజాయ్ చేసిన దృశ్యాలను సోషల్ మీడియాలో పంచుకుంటాడు. తాజాగా జగపతిబాబు సోషల్ మీడియాలో ఒక పోస్ట్ పెట్టారు.. అది నెటిజన్లను విపరీతంగా ఆకర్షిస్తోంది.
ఒక విశాలమైన గదిలో జగపతిబాబు ఒక టేబుల్ పై అలా ఒంగి నిలుచున్నాడు. ఒక చేతిలో పాలడబ్బా, మరో చేతిలో మద్యం సీసా పట్టుకొని..”ఎలాగోలా పుట్టే శాను. సిగ్గు లేకుండా అడుగుతున్నాను. ఇందులో ఏది ముందు తాగాలో మీరు డిసైడ్ చేసి చెప్పండి” అంటూ తనను అనుసరిస్తున్న నెటిజన్లను అడిగాడు. ఈ పోస్టుకు చాలామంది స్పందించారు. ” సార్ ఇవాళ నా పుట్టినరోజు. పాలడబ్బా ఎందుకు గాని.. మందు తాగి చిల్ అవ్వండి. నాకు విషెస్ చెప్పండి” అని ఓ నెటిజన్ వ్యాఖ్యానించాడు. “జగ్గూ భాయ్.. మీరు సినీనటుడు అయినప్పటికీ ఎటువంటి భయం లేకుండా ప్రేక్షకులను ఇలా అడుగుతున్నారంటే మీరు మామూలు మనిషి కాదు” అని మరో నెటిజన్ పేర్కొన్నాడు. కాగా సోషల్ మీడియాలో జగపతిబాబు పోస్ట్ చేసిన ఈ ఫోటో ప్రస్తుతం సర్క్యులేట్ అవుతోంది.
