Anjali: నటి అంజలి లేటెస్ట్ మూవీ ‘గీతాంజలి మళ్ళీ వచ్చింది’. ఈ చిత్ర ప్రమోషన్స్ లో పాల్గొంటున్న అంజలి లేటెస్ట్ ట్రెండీ వేర్లో మనసులు దోచేసింది. అమ్మడు అందాలు సోషల్ మీడియాను కుదిపేస్తున్నాయి. అంజలి అందాలకు అభిమానులు దాసోహం అంటున్నారు. 2014లో విడుదలైన గీతాంజలి మంచి విజయం సాధించింది. ఈ ఫ్రాంచైజీలో రెండో చిత్రంగా వస్తుంది గీతాంజలి మళ్ళీ వచ్చింది. కామెడీ హారర్ జోనర్లో తెరకెక్కించిన ఈ చిత్రంలో సునీల్, శ్రీనివాసరెడ్డి, సత్యం రాజేష్, సత్య కీలక రోల్స్ చేస్తున్నారు.
అంజలి… గీతాంజలిగా మరోసారి అలరించనుంది. గీతాంజలి మళ్ళీ వచ్చింది మార్చి 22న విడుదల కానుంది. ఈ క్రమంలో ఇటీవల టీజర్ లాంఛ్ ఈవెంట్ నిర్వహించారు. ఈ ఈవెంట్ కి అంజలి ఎర్రని దుస్తుల్లో స్టైలిష్ గా హాజరైంది. సదరు బట్టల్లో ఒక ఫోటో షూట్ చేయగా వైరల్ అవుతుంది. గీతాంజలి మళ్ళీ వచ్చింది చిత్రానికి కోనా వెంకట్ కథ అందించారు. దర్శకత్వం శివ తుర్లపాటి వహించాడు.
గీతాంజలి మూవీ సక్సెస్ నేపథ్యంలో ఈ సీక్వెల్ ఫై అంచనాలు ఏర్పడ్డాయి. టీజర్లో కథపై హింట్ ఇచ్చారు. ఓ సినిమా షూటింగ్ కోసం పాడుపడిన బంగ్లాకి చిత్ర యూనిట్ వెళతారు. ఆ భవనంలో మూడు దెయ్యాలు తిరుగుతూ ఉంటాయి. ఆ దెయ్యాలు ఎవరు? వాటి నేపథ్యం ఏమిటీ? గీతాంజలితో వాళ్లకు ఉన్న సంబంధం ఏమిటీ? అనేదే ప్రధాన కథ. అంజలికి పవర్ ఫుల్ పాత్ర దక్కింది. నటనకు ప్రాధాన్యత ఉన్న రోల్ ఆమెది.
మరోవైపు అంజలి కొన్ని క్రేజీ ప్రాజెక్ట్స్ చేస్తుంది. ఏకంగా ఆమె రామ్ చరణ్ సరసన ఛాన్స్ కొట్టేసింది. దర్శకుడు శంకర్ తెరకెక్కిస్తున్న గేమ్ ఛేంజర్ చిత్రంలో అంజలి నటిస్తుంది. రామ్ చరణ్ ఎన్నికల అధికారిగా, రాజకీయ నాయకుడిగా రెండు భిన్నమైన రోల్స్ చేస్తున్నారు. ఫ్లాష్ బ్యాక్ లో చరణ్ నిజాయితీ పరుడైన రాజకీయ నాయకుడిగా కనిపిస్తారు. ఆ పాత్రకు భార్యగా అంజలి నటిస్తుంది. అలాగే విశ్వక్ సేన్ హీరోగా తెరకెక్కుతున్న గ్యాంగ్స్ ఆఫ్ గోదావరి మూవీలో అంజలి నటిస్తుంది.
In a world full of trends, I want to remain a classic ❤️ #Anjali50 pic.twitter.com/n8GaGMqEuM
— Anjali (@yoursanjali) February 26, 2024
