Vijay father movies with Chiranjeevi: సోషల్ మీడియా , ఎలక్ట్రానిక్ మీడియా లలో ఎక్కడ చూసినా ఇప్పుడు విజయ్ పేరే వినిపిస్తోంది. రీసెంట్ గా జరిగిన సార్వత్రిక ఎన్నికల ఫలితాల్లో ఆయన స్థాపించిన టీవీకే పార్టీ సంచలన విజయం సాధించింది. రేపు లేదా ఎల్లుండి విజయ్ తమిళనాడు రాష్ట్ర ముఖ్యమంత్రిగా ప్రమాణస్వీకారం చేయబోతున్నాడు. ఇదంతా పక్కన పెడితే విజయ్ కి , ఆయన ఫ్యామిలీ బ్యాక్ గ్రౌండ్ కి సంబంధించి ఎన్నో ఆసక్తికరమైన విషయాలు బయటపడ్డాయి. అందులో కొన్ని విజయ్ తండ్రి చంద్రశేఖర్ గురించి ఉన్నాయి. చంద్ర శేఖర్ సామాన్యుడు కాదు, తమిళనాడు టాప్ మోస్ట్ లెజండరీ డైరెక్టర్స్ లో ఒకరు. రజినీకాంత్ , కమల్ హాసన్ , విజయ్ కాంత్ ఇలా ఎంతో మంది బిగ్గెస్ట్ సూపర్ స్టార్స్ తో కలిసి ఆయన సినిమాలు చేశాడు . అంతే కాదు DMK పార్టీ అధినేత కరుణానిధి నిర్మించిన చిత్రాలకు కూడా చంద్ర శేఖర్ దర్శకత్వం వహించాడు.
అయితే చంద్ర శేఖర్ కేవలం తమిళ సినిమా ఇండస్ట్రీ కి మాత్రమే పరిమితం అవ్వలేదు. మన టాలీవుడ్ లో మెగాస్టార్ చిరంజీవి తో ఎన్నో సూపర్ హిట్ సినిమాలను తెరకెక్కించాడు. ‘చట్టానికి కళ్ళు లేవు’, ‘దేవాంతకుడు’, ‘పల్లెటూరి మొనగాడు’. ఆ రోజుల్లో ఈ సినిమాలు సెన్సేషనల్ బ్లాక్ బస్టర్స్ గా నిల్చి, చిరంజీవి కి మాస్ ఆడియన్స్ లో మంచి ఫాలోయింగ్ ని తెచ్చి పెట్టాయి. అంతే కాదు చంద్ర శేఖర్ తో చిరంజీవి కి మంచి సాన్నిహిత్యం కూడా ఉంది. రీసెంట్ గా జరిగిన ఒక ఇంటర్వ్యూ లో చంద్ర శేఖర్ చిరంజీవి గురించి మాట్లాడిన కొన్ని మాటలు ఇప్పుడు సోషల్ మీడియా లో బాగా వైరల్ అయ్యింది.
ఆయన మాట్లాడుతూ ‘చిరంజీవి గారిత్ కలిసి పని చేయడం ఎప్పటికీ మర్చిపోలేని అనుభూతి. నాకు తెలుగు మొదట్లో అసలు వచ్చేది కాదు, కానీ చిరంజీవి గారితో పరిచయం ఏర్పడిన తర్వాత ఆయన నాకు తెలుగు నేర్పించాడు. ‘చట్టానికి కళ్ళు లేవు’ చిత్రం 175 రోజులకు పైగా థియేటర్స్ లో ఆడింది. అందుకు విజయోత్సవ సభ ఏర్పాటు చేశారు. చిరంజీవి గారు అప్పుడు నాతో మీరు స్టేజి మీదకు ఎక్కిన తర్వాత తెలుగు లోనే మాట్లాడాలి అని చెప్పారు. ఆయన ఇచ్చిన ధైర్యం తో తెలుగు లో మాట్లాడాను’ అంటూ చెప్పుకొచ్చాడు. ఇంకా ఆయన మాట్లాడుతూ ‘చిరంజీవి దర్శకులకు ఎంతో విలువ ఇచ్చే మనిషి. నేను ఏదైనా షాట్ బాగాలేక పోతే ఆయన ముఖం మీదనే చెప్పేవాడిని. ఎన్నిసార్లు టేకులకు వెళ్లినా ఆయన చిరాకు పడేవాడు కాదు , చాలా సౌమ్యంగా ఓకే సార్ అని చెప్పి టేక్ చేసేవాడు. ఇలాంటి వాళ్ళు మన సినీ ఇండస్ట్రీలలో చాలా తక్కువగా ఉంటారు’ అంటూ చెప్పుకొచ్చాడు చంద్ర శేఖర్.
