Prabhas: రెబల్స్టార్ ప్రభాస్కు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పాల్సిన పనిలేదు. దేశంలోనే కాకుండా ప్రపంచవ్యాప్తంగా ఆయను అభిమానులు ఉన్నారు. బాహుబలి సినిమాతో ఓ రేంజ్ స్టార్డమ్ను సొంతం చేసుకున్న ప్రభాస్.. ఇప్పుడు వరుసగా పాన్ఇండియా సినిమాలతో దూసుకెళ్లిపోతున్నారు. కాగా, కొంతమంది అభిమానం హీరోలనే ఆశ్చర్యపరిచేలా ఉంటుంది. ఈ క్రమంలోనే ఓ అభిమాని ప్రభాస్ను ఆశ్చర్యపరిచేలా తన అభిమానాన్ని చాటుకున్నాడు. తలపై ప్రభాస్ అనే అక్షరాలతో హెయిర్స్టైల్చేయించుకుని ప్రభాస్కు చూపించారు. అతని అభిమానాన్ని చూసి ముచ్చటపడిపోయిన ప్రభాస్.. అతనితో కాసేపు ముచ్చటించారు.
అనంతరం తన వీరాభిమానికి ఖరీదైన వాచ్ను బహుమతిగా ఇచ్చారు. ఫాజిల్ కంపెనీకి చెందిన ఈ వాచ్ ఎంతో ఖరీదైనది. ప్రస్తుతం ఇందుకు సంబంధించిన ఫొటోలు సోషల్మీడియాలో వైరల్ అవుతున్నాయి. అయితే, ఇలా తనపై ప్రేమ కురిపించిన అభిమానులకు గిఫ్ట్స్ ఇవ్వడం ఇది కొత్తేం కాదు. గతంలోనూ అనేకమందికి ఇలానే బహుమతులు ఇచ్చి సర్ప్రైజ్ చేశారు.
మరోవైపు, రాధేశ్యామ్ సినిమాతో ఫుల్ బిజీగా ఉన్నారు ప్రభాస్. పీరియాడికల్ లవ్స్టోరీ నేపథ్యంలో సాగే ఈ సినిమాలో పూజా హెగ్డె హీరోయిన్గా నటిస్తోంది. ఇటీవలే విడుదలైన ఈ సినిమాలోని ఈ రాతలే పాట ప్రేక్షకులను ఎంతగానో ఆకట్టుకుంది. మరోవైపు, ఆదిపురుష్ సినిమా షూటింగ్ కూడా కంప్లీట్ చేసుకున్నారు ప్రభాస్. ఓం రౌంత్ ఈ సినిమాకు దర్శకత్వం వహిస్తున్నారు. కృతి సనన్ ఈ సినిమాలో సీత పాత్ర పోషించింది. సైఫ్ అలిఖాన్ రావణుడిగా కనిపించనున్నారు. దీంతో పాటు సలార్ సినిమాలోనూ నటిస్తున్నారు ప్రభాస్.
