Music Director Harshavardhan Rameshwar: ఒక సినిమా సక్సెస్ లో సంగీతం కీలకపాత్ర వహిస్తుందనే విషయాన్ని మేకర్స్ నమ్ముతున్నారు. నిజానికి ప్రేక్షకులలో ఈ మధ్య కాలంలో విశేషమైన మెచ్యూరిటి వచ్చింది. వాళ్ళు సినిమాను చూసే కోణం కూడా మారిపోయింది. సాంగ్స్ విషయంలో గాని విజువల్ గా సినిమా వాళ్లకి ఎలాంటి ఇంపాక్ట్ ను ఇస్తుందనే విషయాన్ని మాత్రమే ప్రేక్షకులు చూసుకుంటున్నారు తప్ప అది పెద్ద హీరో సినిమానా? లేదంటే చిన్న హీరో మూవీనా అనే విషయాన్ని పట్టించుకోవడం లేదు. ఇక ఇదిలా ఉంటే అర్జున్ రెడ్డి, అనిమల్ సినిమాలతో సంగీత దర్శకుడిగా మంచి గుర్తింపును సంపాదించుకున్న హర్షవర్ధన్ రామేశ్వర్ ప్రస్తుతం సందీప్ రెడ్డి వంగ దర్శకత్వంలో ప్రభాస్ హీరోగా వస్తున్న స్పిరిట్ సినిమాకి మ్యూజిక్ డైరెక్టర్ గా వ్యవహరిస్తున్నాడు. ఈయన ఈ మధ్యకాలంలో కొన్ని చిన్న సినిమాలకు కూడా సంగీతం అందించాడు. అయితే త్రివిక్రమ్, సుకుమార్ లాంటి స్టార్ డైరెక్టర్ సైతం వాళ్ళ నెక్స్ట్ ప్రాజెక్టుల కోసం హర్షవర్ధన్ ను సెలెక్ట్ చేసుకున్నారు. కానీ ప్రస్తుతం అందుతున్న సమాచారం ప్రకారం హర్షవర్ధన్ రామేశ్వర్ ను పక్కన పెట్టేసినట్టుగా తెలుస్తుంది.
త్రివిక్రమ్ వెంకటేష్ తో చేస్తున్న ఆదర్శ కుటుంబం సినిమా కోసం హర్షవర్ధన్ ప్లేస్ లో తమన్ ను తీసుకున్నాడు… సుకుమార్ సైతం రామ్ చరణ్ చేయబోతున్న సినిమా విషయంలో హర్షవర్ధన్ రామేశ్వర్ పేరును పరిశీలించినప్పటికి ప్రస్తుతం ఆయన మరొక సంగీత దర్శకుడితో మంతనాలు జరుపుతున్నట్టుగా తెలుస్తుంది.
ఇక ఏది ఏమైనా కూడా హర్షవర్ధన్ రామేశ్వర్ లాంటి సంగీత దర్శకుడు తెలుగు సినిమా ఇండస్ట్రీలో ఉండటం నిజంగా మన అదృష్టమనే చెప్పాలి. ఎందుకంటే అనిమల్ సినిమా విజువల్ గా మంచి ఇంపాక్ట్ ఇవ్వడానికి సందీప్ ఒక కారణమైతే, దాన్ని సౌండ్ పరంగా నెక్స్ట్ లెవల్ కి తీసుకెళ్లిన ఘనత హర్షవర్ధన్ రామేశ్వర్ కి దక్కుతుంది.
ఇక రాబోయే రోజుల్లో అయిన హర్షవర్ధన్ రామేశ్వర్ కి పెద్ద దర్శకుల నుంచి మంచి అవకాశాలు వచ్చి ఆయన టాప్ మ్యూజిక్ డైరెక్టర్ గా కొనసాగాలని అభిమానులైతే కోరుకుంటున్నారు…ఇక స్పిరిట్ సినిమా రిలీజ్ అయితే చాలు హర్షవర్ధన్ రామేశ్వర్ ఎక్కడికో వెళ్లిపోతాడు అంటు మరి కొంతమంది కామెంట్స్ చేస్తుండటం విశేషం… సందీప్ రెడ్డివంగా మొదటి నుంచి కూడా హర్షవర్ధన్ రామేశ్వరన్ పైన పెట్టుకున్న నమ్మకాన్ని తను ఎక్కడ ఒమ్ము చేయడం లేదు…
