Ram Charan New Film: ఎలాంటి బిగ్గెస్ట్ సూపర్ స్టార్ అయినప్పటికీ, రాజమౌళి తో కనీసం ఒక్క సినిమా అయినా చెయ్యాలని పరితపిస్తుంటారు. ఎందుకంటే రాజమౌళి తో సినిమా చేసిన తర్వాత , ఎవ్వరూ ఊహించని రేంజ్ కి వెళ్ళిపోతారని చాలా బలంగా నమ్ముతారు సూపర్ స్టార్స్. అందుకు బెస్ట్ ఉదాహరణ ప్రభాస్. ‘బాహుబలి’ సిరీస్ తర్వాత ఆయన రేంజ్ ఎలా మారిపోయిందో మన కళ్లారా చూస్తూనే ఉన్నాం. పాన్ ఇండియా లెవెల్ లో ఏ డైరెక్టర్ అయినా బిగ్గెస్ట్ బ్లాక్ బస్టర్ హిట్ కొడితే , ప్రభాస్ తో సినిమా చెయ్యాలని టార్గెట్ గా పెట్టుకుంటారు. ఆ రేంజ్ కి ప్రభాస్ ని తీసుకెళ్లాడు రాజమౌళి. అలాంటి రాజమౌళి తో ఎన్టీఆర్ కి నాలుగు సినిమాలు , రామ్ చరణ్ కి రెండు సినిమాలు చేసే అదృష్టం కలిగింది. అయితే ఇప్పుడు రాజమౌళి తదుపరి చిత్రం పై సోషల్ మీడియా లో గత రెండు రోజులుగా పెద్ద చర్చ సాగుతోంది.
ప్రస్తుతం ‘వారణాసి ‘ మూవీ షూటింగ్ తో ఫుల్ బిజీ గా ఉన్న రాజమౌళి , తన తదుపరి చిత్రాన్ని రామ్ చరణ్ తో తియ్యబోతున్నాడని , ఇప్పటి వరకు ప్రపంచం లోనే ఏ డైరెక్టర్ ముట్టుకోనటువంటి కాన్సెప్ట్ తో, ఈ చిత్రాన్ని ఆయన్ని తెరకెక్కించబోతున్నట్టు ఇండస్ట్రీ వర్గాల్లో బలంగా సాగుతున్న చర్చ. అయితే రామ్ చరణ్ అనవసరం గా రాజమౌళి తో సినిమా ఒప్పుకున్నాడని , రాజమౌళి ఏళ్ళ తరబడి చెక్కుతాడని , రామ్ చరణ్ ప్రైమ్ టైం వేస్ట్ అవుతుందని , రాజమౌళి తో చేసేబదులు , రామ్ చరణ్ వేరే టాప్ డైరెక్టర్స్ తో రెండు మూడు సినిమాలు చేసేయొచ్చని అంటున్నారు. ప్రస్తుత పరిస్థితి లో రామ్ చరణ్ ఒక సినిమా కోసం రెండు మూడేళ్ళ విలువైన సమయాన్ని కేటాయించడం సరికాదని అంటున్నారు ఫ్యాన్స్.
అయితే రాజమౌళి ‘వారణాసి’ చిత్రాన్ని అనుకున్న దానికంటే తక్కువ సమయం లోనే తెరకెక్కించి ప్రేక్షకుల ముందుకు తీసుకొస్తున్నాడు. కాబట్టి రామ్ చరణ్ తో కూడా తక్కువ సమయం లోనే షూటింగ్ చేస్తాడని , భయపడాల్సిన అవసరమే లేదని అంటున్నారు మరికొంతమంది ఫ్యాన్స్. ఈ కాంబినేషన్ ‘రంగస్థలం’ మూవీ షూటింగ్ సమయంలోనే సెట్ అయ్యిందని, #RRR తర్వాత ఈ ప్రాజెక్ట్ నే ముందుకు సెట్స్ మీదకు వెళ్లాల్సిందని, కానీ పదేళ్ల నుండి మహేష్ బాబు ప్రాజెక్ట్ పెండింగ్ లో ఉండడం, ఈసారి ఆయన బలంగా రిక్వెస్ట్ చేయడం తో ‘వారణాసి’ ని ముందుగా సెట్స్ మీదకు తీసుకెళ్లాల్సి వచ్చిందని ఇండస్ట్రీ వర్గాల్లో ఒక మాట వినిపిస్తోంది.
