Balakrishna Injury: వరుస సూపర్ హిట్స్ తో 6 పదుల వయస్సులో కూడా జెన్ జీ ఆడియన్స్ ని అలరిస్తూ ముందుకు దూసుకెళ్తున్న నందమూరి బాలకృష్ణ , ప్రస్తుతం గోపీచంద్ మలినేని తో #NBK111 అనే చిత్రంలో నటిస్తున్న సంగతి తెలిసిందే. రీసెంట్ గానే బాలయ్య పుట్టినరోజు సందర్భంగా ఈ చిత్రానికి సంబంధించిన గ్లింప్స్ వీడియో ని విడుదల చేయగా, దానికి ఫ్యాన్స్ , ఆడియన్స్ నుండి సెన్సేషనల్ రెస్పాన్స్ వచ్చింది. ప్రస్తుతం ఈ చిత్రానికి సంబంధించిన షూటింగ్ కాకినాడ లో గత కొద్దిరోజుల నుండి సాగుతోంది. ఒక యాక్షన్ సన్నివేశాన్ని చిత్రీకరిస్తున్న సమయం లో బాలయ్య కి చిన్న మసిల్ టియర్ జరిగిందట. దీంతో వెంటనే ఆయన్ని హాస్పిటల్ కి తరలించారు. వైద్యులు బాలయ్య పై పరీక్షలు నిర్వహించిన తర్వాత , ఒక చిన్న మైనర్ సర్జరీ చేయాల్సి ఉంటుందని చెప్పారట.
ఈ సర్జరీ తర్వాత ఆయన పూర్తి స్థాయిలో కోలుకోవడానికి కాస్త సమయం పడుతుందట. ఈ విషయాన్ని స్వయంగా ఆ చిత్ర దర్శకుడు గోపీచంద్ మలినేని ట్విటర్ ద్వారా తెలిపారు. ‘సినిమాపై ఆయనకున్న క్రమశిక్షణ , కష్టపడే తత్త్వం NBK111 టీం లో ప్రతీ ఒక్కరికీ ఎంతో స్ఫూర్తినిస్తుంది. అభిమానులు బాలయ్య ఆరోగ్యం గురించి ఎలాంటి ఆందోళన చెందాల్సిన అవసరం లేదు. ఆయన త్వరగా కోలుకొని మళ్లీ షూటింగ్ లో పాల్గొనాలని మనస్ఫూర్తిగా కోరుకుంటున్నాం’ అంటూ గోపీచంద్ మలినేని ఈ సందర్భంగా చెప్పుకొచ్చారు. ఈ విషయాన్ని తెలుసుకున్న అభిమానులు ‘జాగ్రత్తగా చూసుకోండి అన్నా మా హీరో ని’ అంటూ కామెంట్స్ చేస్తున్నారు. నేటి తరం స్టార్ హీరోలు చిన్న పోరాట సన్నివేశాలకు డూప్స్ ని వాడుతున్నారు. అలాంటిది బాలయ్య ఈ వయస్సు లో కూడా యాక్షన్ సన్నివేశాల్లో రియల్ స్తంట్స్ చేస్తున్నారు , చూసి నేర్చుకోండి అంటరు సోషల్ మీడియా లో కొంతమంది నెటిజెన్స్ కామెంట్స్ చేస్తున్నారు.
ఇకపోతే గోపీచంద్ మలినేని తో బాలయ్య కి ఇది రెండవ సినిమా. గతం లో వీళ్లిద్దరి కాంబినేషన్ లో తెరకెక్కిన ‘వీర సింహా రెడ్డి’ కమర్షియల్ గా ఎంత పెద్ద బ్లాక్ బస్టర్ అయ్యిందో ప్రత్యేకించి చెప్పనవసరం లేదు. చాలా కాలం తర్వాత వింటేజ్ బాలయ్య ని ఫ్యాక్షన్ బ్యాక్ డ్రాప్ లో చూపించడం తో నేటి తరం ఆడియన్స్ కూడా ఈ చిత్రానికి కనెక్ట్ అయ్యారు. ఇకపోతే ప్రస్తుతం తెరకెక్కుతున్న సినిమా పూర్తిగా ‘ఓజీ’ తరహా యాక్షన్ మూవీ అని చెప్పొచ్చు. ఈ కొత్త యాంగిల్ లో గోపీచంద్ బాలయ్య ని ఎలా చూపించబోతున్నారో చూడాలి. ఈ ఏడాది లోనే షూటింగ్ పూర్తి చేసి విడుదల చెయ్యాలని చూస్తున్నారు. కానీ అనుకోకుండా బాలయ్య కి ఈ ప్రమాదం జరగడం తో షూటింగ్ కాస్త ఆలస్యం అవ్వొచ్చు , సంక్రాంతి కి విడుదల అవ్వొచ్చు అని అంటున్నారు విశ్లేషకులు.
