Mahesh Babu: సినిమా ఇండస్ట్రీలో కొంతమంది హీరోలు బ్లైండ్ గా దర్శకులను నమ్మి సినిమాలు చేసేస్తూ ఉంటారు. అందులో కొంతమంది దర్శకులు ఆయా హీరోలకు భారీ సక్సెస్ లను తీసుకువచ్చి పెడుతుంటే, మరి కొంతమంది మాత్రం ప్లాప్ లను కట్టబెడుతూ ఉంటారు. ఇక ఇలాంటి క్రమంలోనే సూపర్ స్టార్ మహేష్ బాబు సైతం గతంలో కథలను వినకుండా లేకుండా ఆయన దర్శకులను నమ్మి సినిమాలు చేస్తూ ఉండేవాడు. దానివల్ల ఆయన కొంతవరకు సక్సెస్ లను సాధించిన కూడా మరికొన్ని విషయాల్లో మాత్రం ఆయన చాలా వరకు దెబ్బ పడిపోయింది.
కొందరు దర్శకులైతే అతన్ని డిజాస్టర్ లను కట్టబెట్టి తన మార్కెట్ ను పూర్తిగా డౌన్ చేశారనే చెప్పవచ్చు. దూకుడు సినిమాతో సూపర్ సక్సెస్ ని అందించిన శ్రీను వైట్లకు ‘ఆగడు’ సినిమా చేసే అవకాశాన్ని ఇచ్చాడు. కానీ శ్రీను వైట్ల ప్రూవ్ చేసుకోలేకపోయాడు. ‘సీతమ్మ వాకిట్లో సిరిమల్లె చెట్టు’ సినిమా తర్వాత శ్రీకాంత్ అడ్డాలకి బ్రహ్మోత్సవం సినిమా చేసే అవకాశం ఇచ్చాడు.
మహేష్ బాబు కెరియర్ లోనే అత్యంత డిజాస్టర్ సినిమా ఏదైనా ఉంది అంటే అది బ్రహ్మోత్సవం అనే చెప్పాలి… ఒక గుణశేఖర్ కి సైతం ఒక్కడు సినిమా సక్సెస్ ని ఇచ్చిన తర్వాత అర్జున్, సైనికుడు లాంటి రెండు సినిమాలను చేసే అవకాశాలను ఇచ్చాడు. కానీ ఆ రెండు సినిమాలు కూడా డిజాస్టర్స్ గా మారడంతో మహేష్ బాబు మరోసారి గుణశేఖర్ కి సినిమా చేసే అవకాశం ఇవ్వలేదు…
ఇక త్రివిక్రమ్ శ్రీనివాస్ సైతం ఖలేజా, గుంటూరు కారం సినిమాలతో ఫ్లాప్ లను కట్టబెట్టినప్పటికి ఆ రెండు సినిమాలు కూడా మహేష్ బాబు ఇమేజ్ కి కొంతవరకు హెల్ప్ అయ్యాయి. ఒక పూరి జగన్నాథ్ మాత్రమే మహేష్ బాబు తన మీద పెట్టుకున్న నమ్మకాన్ని నిలబెట్టాడు. పోకిరి సినిమాతో ఇండస్ట్రీ రికార్డును బ్రేక్ చేసే సక్సెస్ ని అందించాడు. ఈ సినిమాతో మహేష్ బాబు లోని ఒక కొత్త నటుడిని బయటికి తీసి అతని నటనను మరింత షార్ప్ చేశాడనే చెప్పాలి…
