Bhimaa Pre Release Event: తెలుగు సినిమా ఇండస్ట్రీలో స్టార్ హీరోలు ఎంతమంది ఉన్నా కూడా గోపీచంద్ స్టార్ డమ్ అనేది సపరేట్ గా ఉంటుందనే చెప్పాలి. ఈయన ఒక పాత్ర చేశాడు అంటే ఆ పాత్రలో లీనమైపోయి చేస్తాడు. ఇండస్ట్రీకి వచ్చిన మొదట్లో విలన్ పాత్రల్లో అదరగొట్టిన గోపీచంద్ ప్రస్తుతం హీరోగా వరుస సినిమాలు చేస్తున్నప్పటికీ ఆయనకి సక్సెస్ లు మాత్రం పెద్దగా రావడం లేదు. ఇక దాంతో ఇప్పుడు కొత్త డైరెక్టర్ అయిన హర్ష దర్శకత్వంలో చేస్తున్న ‘ భీమా’ సినిమా మీదనే ఆయన భారీ అంచనాలు పెట్టుకున్నాడు. ఇక ఈనెల 8వ తేదీన ఈ సినిమా ప్రేక్షకుల ముందుకు రాబోతున్న క్రమంలో రీసెంట్ గా ఈ సినిమాకి సంబంధించిన ప్రి రిలీజ్ ఈవెంట్ ని ఘనంగా నిర్వహించారు…
ఇక అందులో గోపీచంద్ మాట్లాడుతూ ఈ సినిమాలో తను రెండు డిఫరెంట్ క్యారెక్టర్లలో నటించబోతున్నట్టుగా తెలియజేశాడు. అలాగే తన క్యారెక్టర్ నేమ్ కూడా భీమా అనే పవర్ ఫుల్ పేరు కావడం కూడా ఈ సినిమాకి చాలా వరకు కలిసి వచ్చే అంశం అని చెప్పాడు. ఇక ఒకప్పుడు ప్రభాస్ హీరోగా వచ్చిన ‘వర్షం ‘ సినిమాలో భద్ర అనే పేరుతో వచ్చి విలనిజాన్ని పండిస్తే ప్రేక్షకులు అందరూ తనని ఆదరించారని, అలాగే భీమా అనే మరొక పవర్ ఫుల్ నేమ్ తో వస్తున్నందుకు సంతోషంగా ఉందని చెప్పాడు.ఇక అప్పుడు వర్షం లోని భద్ర ని ఎలాగైతే ఆదరించారో ఇప్పుడు భీమాని కూడా అలాగే ఆదరిస్తారనే ఆశా భావాన్ని వ్యక్తం చేశాడు…
ఇక ఈ సినిమా తనకు ఒక బ్లాక్ బస్టర్ ఇవ్వబోతుందంటూ గోపీచంద్ మంచి కాన్ఫిడెంట్ తో అయితే ఉన్నాడు. ఇక దానికి తగ్గట్టుగానే ఈ సినిమా ట్రైలర్ కూడా అద్భుతంగా ఉండడంతో ఈ సినిమా రిలీజ్ కోసం ప్రేక్షకులు కూడా వెయిట్ చేస్తున్నారు. ఈ సినిమా గురించి గోపీచంద్ మాట్లాడుతూ కొత్త దర్శకుడు అయిన హర్షకి ఏం కావాలో తెలుసు. నా నుంచి ఎలా యాక్టింగ్ చేయించుకోవాలో ఆయనకు మొత్తం క్లారిటీ అయితే ఉంది. దానివల్లే నాకు యాక్టింగ్ చేయడం ఈజీ అయిపోయింది అని చెప్పాడు. ఇక అలాగే ఈ సినిమాలో ఇంటర్వెల్ లో వచ్చే ఫైట్ సీక్వెన్స్ కానీ, క్లైమాక్స్ లో వచ్చే ఫైట్స్ గానీ సినిమాకి హైలైట్ గా నిలువ బోతున్నట్టుగా తెలియజేశాడు…
