తమిళ సినీ కళాకారుల సంఘం (నడిగర్) అగ్నిప్రమాదం కలకలం రేపింది. దక్షిణ భారతదేశంలోనే అతిపెద్ద సినీ ఇండస్ట్రీకి కేంద్రమైన ఈ నడిగర్ సంఘంలో భారీగా నిధులు ఉన్నాయి. దీనికోసం ఇప్పటికే హీరో విశాల్ తమిళ హీరోలు, దర్శకులను ఢీకొట్టి ఓసారి ఎన్నికల్లో గెలిచి సినీ కళాకారులను ఆదుకున్నాడు. పింఛన్ సౌకర్యం వారి సంక్షేమానికి పాటుపడ్డాడు.
Also Read: రూపాయి ఖర్చు లేదు కాబట్టే.. హనీమూన్ కి ఒప్పుకుందట !
తాజాగా నడిగర్ సంఘం భవంతిలో భారీ అగ్ని ప్రమాదం సంభవించడం అనుమానాలకు తావిచ్చింది. ఈ ప్రమాదంలో ప్రధానంగా విశాల్ ప్రధాన కార్యదర్శిగా ఉన్నప్పుడు చేసిన ఖర్చుకు సంబంధించిన సామగ్రితోపాటు కీలక పత్రాలు కాలిపోయాయని అంటున్నారు.
Also Read: సీత గురించి రాజమౌళితో ఆలియా ముచ్చట్లు !
నడిగర్ సంఘానికి చెందిన నిధులు ఎంత ఉన్నాయి? ఎంత ఖర్చు అయ్యాయి? అనే విషయాలతోపాటు నాజర్ నడిగర్ సంఘం అధ్యక్షుడిగా.. విశాల్ కార్యదర్శిగా ఉన్న సమయంలో నడిగర్ సంఘం ఏ కార్యక్రమాలను నిర్వహించి ఎంత మేరకు నిధులు సేకరించిందనే వివరాలకు సంబంధించిన పత్రాలన్నీ ఈ ఆఫీసులో ఉంటాయని అంటున్నారు. అవన్నీ కాలిపోవడంతో ఇప్పుడు ఈ అగ్నిప్రమాదంపై అందరిలోనూ అనుమానాలు కలుగుతున్నాయి. ఎన్నికలకు ముందర ఈ ప్రమాదం జరగడం.. లెక్కలు బయటకు రాకుండా ఎవరైనా చేశారా అన్న అనుమానాలు కలుగుతున్నాయి.
మరిన్ని వార్తల కోసం : సినిమా
ఈ అగ్నిప్రమాదం జరగడంపై కొందరు సినీ ప్రముఖులు ఇది కావాలనే చేశారని విమర్శలు గుప్పించారు. . ఈ ప్రమాదం నిజంగా జరిగిందా? లేక ఎవరైనా కావాలనే చేయించారా? అనే దానిపై పోలీసులు ఆరాతీస్తున్నారు. కేసు నమోదు చేసుకున్న పోలీసులు విచారణ చేస్తున్నారు. అగ్ని ప్రమాదానికి గల కారణాలను క్లూస్ టీం ఆరాతీస్తోంది.