Akkineni Family Garden
Akkineni Family Garden: అక్కినేని కుటుంబంలో ప్రతి ఒక్కరు వ్యాయామాలు చేయడంలో ముందు ఉంటారు. జిమ్ క్రమం తప్పకుండా చేస్తుంటారు. ఫిట్ నెస్ మెయింటెన్ చేయడంలో ముందుంటారు అక్కినేని కుటుంబం. ప్రతి రోజు నిత్య వ్యాయామాలు చేస్తుండటంలో అక్కినేని కుటుంబం ముందుంటుంది. ఇంట్లోనే జిమ్ ఏర్పాటు చేసుకొని అందరూ కూడా వర్కౌట్ చేయడానికి మొదటి ప్రియారిటీ ఇస్తారు. నాగచైతన్య, అఖిల్ మాత్రమే కాదు అక్కినేని నాగేశ్వరరావు నుంచి నాగార్జున ఇలా ప్రతి ఒక్కరు కూడా ప్రతిరోజు వారి శరీరం లో ఉన్న ఎక్కువ క్యాలరీలను కరిగించేస్తూ ఉంటారు.
వ్యాయామాలు చేయడమే కాదు అతి తక్కువ ఆహారాన్ని తీసుకుంటారు. అంతే కాదు ఇతరులకు కూడా సందేశాలు ఇస్తుంటారు. తక్కువ తినండి ఎక్కువ కాలం జీవించండి అంటూ అక్కినేని నాగేశ్వరరావు చెప్పేవారు. ఇలా తినే ప్రతి పదార్థం విషయంలో కూడా కుటుంబం అంతా కూడా చాలా జాగ్రత్తలు వహిస్తారు. అక్కినేని నాగేశ్వరరావు హీరోగా బిజీగా ఉన్న సమయం నుంచి ఇప్పటి వరకు వారు వారి ఇంట్లో పండే కూరగాయలు తింటారు. నాగేశ్వరరావు ఇంటి పక్కనే ఒక కిచెన్ గార్డెన్ కూడా ఏర్పాటు చేసుకున్నారు. ప్రతిరోజు వాకింగ్ కి వెళ్లి వచ్చిన తర్వాత ఆ కిచెన్ గార్డెన్ లో కాసేపు పనిచేస్తే కానీ ఆయనకు రోజు గడవదని చెబుతుంటారు.
గార్డెన్ లో గడపడం చాలా మందికి ఇష్టం ఉంటుంది. అలానే వీరు కూడా కాసేపు చెట్లను చూస్తూ కాసేపు కూర్చుంటారు. మొక్కలకి నీళ్లు పోసి, గడ్డి, పరక ఏమైనా ఉంటే తీసివేస్తుంటారు. అందులో పండిన కూరగాయలనే తింటారు ఈ హీరోలు. కూరగాయలు వంటింటికి పంపిన తర్వాత మళ్లీ గార్డెన్ అంతా శుభ్రంగా ఉందా లేదా అని చూసుకుంటూ ఉంటారు. అలా కిచెన్ గార్డెన్ అనే కాన్సెప్ట్ చాలా ఏళ్ల నుంచి అక్కినేని ఫ్యామిలీ మెయింటైన్ చేస్తున్నారు. ఇప్పటికీ కూడా వారు ఆ కిచెన్ గార్డెన్ ని అలాగే కొనసాగిస్తున్నారు. మార్కెట్ కు వెళ్లి కూరగాయలు కొనకుండా వారి పెరట్లో పండిన కూరగాయలకే ప్రిపరెన్స్ ఇస్తారు. అలాగే కిచెన్ నుంచి వచ్చే ప్రతి వేస్ట్ ని కూడా కంపోస్ట్ చేస్తూ అక్కడే చెట్లకు ఎరువులుగా వాడుతారు.
ఇలా ఈ కాలంలో ఇంత జాగ్రత్తగా చేసేవాళ్ళు ఉండడం అరుదు అనే చెప్పొచ్చు. కానీ అక్కినేని మాత్రం చాలా తక్కువగా తినేవారు. ముఖ్యంగా బెల్లంతో చేసిన స్వీట్స్ అంటే ఆయనకు ఎంతో ఇష్టం. నాగార్జున అయితే అన్నీ తక్కువ మోతాదులో తీసుకుంటారు. ఇలా వారి కుటుంబం ఇంత ఆరోగ్యంగా హెల్తీగా మరియు ఫిట్ గా ఉండడానికి గల కారణం వారి నిత్య జీవితంలో పాటిస్తున్న అలవాట్లే అని చెప్పాలి. ఇక నాగార్జున గురించి చెప్పాలంటే నవ మన్మథుడే ఈ హీరో. టాలీవుడ్ కింగ్ ఈ బాస్. 62 ఏళ్ల వయసులోనూ కుర్రహీరోలకు ధీటుగా ఫిట్ నెస్ ను మెయింటెన్ చేస్తూ ఉంటాడు. చాలా మంది హీరోలకు నాగార్జున ఆదర్శం అనడంలో సందేహం లేదు. నాగ్ ఫేస్ లో ఎప్పుడు గ్లో ఉంటుంది. నాగచైతన్య, అఖిల్ కూడా అంతే తండ్రిలానే ఫుల్ జోష్, అందంగా ఉంటారు. ఇక అక్కినేని గురించి చెప్పాల్సిన పనేలేదు. ఎంతో అందంగా ఉండి.. కుర్ర హీరోలకు కూడా జెలసీ వచ్చేంత బాగుండేవారు. వయసు మీద పడ్డా కూడా అందంగా కనిపించేవారు. ఇలా వారి కుటుంబం అంతా ఫిట్ నెస్ మెయింటెన్ చేస్తూ ఎంతో హ్యాపీగా అందంగా ఉండేవారు.
