dulquer salmaan: మలయాళ హీరో దుల్కర్ సల్మాన్ గ్రీన్ ఇండియా ఛాలెంజ్లో భాగంగా కేబీఆర్ పార్క్లో మొక్కలు నాటారు. సినీ నటి అదితిరావు హైదరి విసిరిన ఛాలెంజ్లో భాగంగా ఈ కార్యక్రమానికి పూనుకున్నారు దుల్కర్. రాజ్యసభ సభ్యులు జోగినిపల్లి సంతోష్ కుమార్ ఈ గ్రీన్ఇండియా ఛాలెంజ్ను చేపట్టిన సంగతి తెలిసిందే.
ఈ సందర్భంగా దుల్కర్ సల్మాన్ మాట్లాడుతూ.. ఎంపీ సంతోష్కుమార్ చేపట్టిన ఈ గ్రీన్ ఇండియా ఛాలెంజ్లో పాలుపంచుకోవడం సంతోషంగా ఉందని అన్నారు. ప్రతి ఒక్కరూ ఈ ఛాలెంజ్ స్వీకరించి మొక్కలు నాటాలని దుల్కర్ పిలుపునిచ్చారు. అనంతరం గ్రీన్ ఇండియా ఛాలెంజ్ కో ఫౌండర్ రాఘవ.. దుల్కర్ సల్మాన్కు వృక్షవేదం పుస్తకాన్ని బహుకరించారు.
కాగా, దుల్కర్ సల్మాన్ హీరోగా నటిస్తున్న సినిమా కురుప్. ఇటవలే విడుదలైన ఈ సినిమా ట్రైలర్ ప్రేక్షకులను ఎంతగానో ఆకట్టుకుంది. క్రైమ్ థ్రిల్లర్ నేపథ్యంలో రానున్న ఈ సినిమా.. నవంబరు 12న ప్రేక్షకుల ముందుకు రానుంది. కేరళకు చెందిన ఒకప్పటి బడా క్రిమినల్ సుకుమార కురుప్ జివిత కథ ఆధారంగా ఈ సినిమాను తెరకెక్కించారు. ఆ క్రిమినల్ను పట్టుకునేందుకు పోలీసులు చేసే ప్రయత్నాలు, వాటి నుంచి తప్పించుకునేందుకు కురుప్ వేసే ఎత్తులు ట్రైలర్ చూసినప్పుడు ఉత్కంఠంగా అనిపించింది. దీంతో అభిమానుల్లో సినిమాపై అంచనాలు పెరిగిపోయాయి. ముఖ్యంగా నేపథ్య సంగీతం చాలా కీలకంగా నిలిచింది.
