Allu Ayaan
Allu Ayaan: అల్లు అర్జున్ పుష్ప 2 ప్రమోషన్స్ లో బిజీగా ఉన్నారు. చెన్నై వేదికగా ఆదివారం గ్రాండ్ ప్రీ రిలీజ్ ఈవెంట్ జరిగింది. భారీ ఎత్తున ఫ్యాన్స్ ఈ ఈవెంట్ కి హాజరయ్యారు. అల్లు అర్జున్, శ్రీలీల, రష్మిక మందానతో పాటు నిర్మాతలు, మ్యూజిక్ డైరెక్టర్ దేవిశ్రీ ప్రసాద్, ఇతర చిత్ర ప్రముఖులు ఈవెంట్లో సందడి చేశారు. దర్శకుడు నెల్సన్ దిలీప్ కుమార్ ముఖ్య అతిథిగా పాల్గొన్నారు. ఇటీవల పాట్నా వేదికగా పుష్ప 2 ట్రైలర్ లాంచ్ ఈవెంట్ నిర్వహించారు. భారీ రెస్పాన్స్ దక్కింది. నార్త్ లో అల్లు అర్జున్ క్రేజ్ ఏ స్థాయిలో ఉందో ఈ ఈవెంట్ రుజువు చేసింది.
రెండు లక్షలకు పైగా అభిమానులు పాట్నా ఈవెంట్ లో పాల్గొన్నట్లు సమాచారం. పుష్ప 2 ప్రమోషన్స్ లో భాగంగా అల్లు అర్జున్ అన్ స్టాపబుల్ షోకి హాజరయ్యారు. బాలయ్య హోస్ట్ గా ఉన్న అత్యంత పాపులారిటీ కలిగిన ఈ టాక్ షోలో అల్లు అర్జున్ పలు ఆసక్తికర సంగతులు తెలియజేశారు. పుష్ప 2 మూవీ విశేషాలు సైతం పంచుకున్నారు. కాగా ఈ షోలో అల్లు అర్జున్ తో ఆయన ఇద్దరు పిల్లలు అయాన్, అర్హ సైతం జాయిన్ అయ్యారు. బాలయ్య వారిద్దరినీ హ్యాండిల్ చేసిన తీరు బాగుంది. క్యూట్ క్వచ్చన్స్ తో అలరించారు.
అర్హను నువ్వే నా హీరోయిన్. నాతో పెద్దయ్యాక సినిమా చేయాలని అన్నాడు. సినిమాలు చూస్తారా? అని అడగ్గా.. వీరిద్దరూ తెలుగు బఫ్. ప్రతి సినిమా వదలకుండా చూస్తారని అల్లు అర్జున్ సమాధానం చెప్పారు. నీకు ఇష్టమైన దర్శకుడు ఎవరని అయాన్ ని బాలయ్య అడిగారు. తడుముకోకుండా.. బోయపాటి అని సమాధానం చెప్పాడు. అయాన్ ఆన్సర్ బాలయ్యకు తెగ నచ్చేసింది. కారణం.. బాలయ్యకు కూడా బోయపాటి అత్యంత ఇష్టమైన దర్శకుడు. వీరి కాంబోలో వచ్చిన సింహా, లెజెండ్, అఖండ భారీ విజయాలు అందుకున్నాయి.
అందుకే అయాన్ సమాధానం బాలకృష్ణకు ఆనందంతో పాటు ఆశ్చర్యం కలిగించింది. అదే సమయంలో అల్లు అర్జున్ కి కూడా బోయపాటి శ్రీను భారీ హిట్ ఇచ్చాడు. అల్లు అర్జున్ హీరోగా బోయపాటి తెరకెక్కించిన సరైనోడు అల్లు అర్జున్ కెరీర్లో భారీ హిట్స్ లో ఒకటిగా ఉంది. అప్పటికి అత్యధిక కలెక్షన్స్ సాధించిన చిత్రం సరైనోడు. ఇక అయాన్ కి బోయపాటి బాగా నచ్చడంతో భవిష్యత్ లో అయాన్ ని లాంచ్ చేసే అవకాశం లేకపోలేదని సోషల్ మీడియాలో చర్చ మొదలైంది.
