Ranveer Allahbadia
Ranveer Allahbadia : ప్రస్తుతం ఇంటర్నెట్ యుగం నడుస్తుంది. నేడు ప్రతి ఒక్కరి చేతిలో స్మార్ట్ ఫోన్ కామన్ అయిపోయింది. ప్రతి ఒక్కరికి సోషల్ మీడియాలో అకౌంట్లు ఉంటున్నాయి. తమ జీవితంలో జరిగిన ప్రతి చిన్న వేడుకను సోషల్ మీడియాలో షేర్ చేసుకుంటున్నారు. అలాగే సోషల్ మీడియా నుంచి డబ్బుల సంపాదించే వాళ్ల సంఖ్య కూడా అమాంతం పెరిగింది. ప్రస్తుతం సోషల్ మీడియా జీరోలను కూడా హీరోలను చేసింది. చాలా మందికి కీర్తి, డబ్బు రెండింటినీ సంపాదించిపెట్టింది. అటువంటి విజయవంతమైన డిజిటల్ ఎంటర్‌ప్రెన్యూర్ లలో ఒకరు రణవీర్ అల్లాబాడియా. ఆయనను బీర్ బైసెప్స్ అని కూడా పిలుస్తారు. యూట్యూబ్, ఇన్‌స్టాగ్రామ్,పాడ్‌కాస్ట్‌ల ద్వారా తను భారీగా ఫాలోవర్స్ ను అభిమానులను సంపాదించుకున్నాడు. తను సోషల్ మీడియా ద్వారా ప్రతి నెలా లక్షల కోట్ల రూపాయలు సంపాదిస్తున్నాడు.
రణవీర్ అల్లాబాడియా ఎవరు?
రణవీర్ అల్లాబాడియా ఒక యూట్యూబర్, కంటెంట్ క్రియేటర్, మోటివేషనల్ స్పీకర్. అతను 2015 లో తన యూట్యూబ్ ఛానల్ బీర్ బైసెప్స్ ను ప్రారంభించాడు. అక్కడ అతను ఫిట్‌నెస్, సెల్ఫ్ డెవలెప్ మెంట్, ఎంటర్‌ప్రెన్యూర్ కు సంబంధించిన సమాచారాన్ని అందిస్తాడు. అతను తన కంటెంట్ పరిధిని రానురాను విస్తరించుకుంటూ వచ్చాడు. ది రణవీర్ షో అనే పాడ్‌కాస్ట్‌ను కూడా స్టార్ట్ చేశాడు. అక్కడ అతను వ్యాపారవేత్తలు, బాలీవుడ్ ప్రముఖులు, ఇతర సక్సెస్ ఫుల్ వ్యక్తులను ఇంటర్వ్యూ చేస్తాడు.
ప్రతి నెలా ఎంత సంపాదిస్తారు?
రణవీర్ అల్లాబాడియా యూట్యూబ్, స్పాన్సర్‌షిప్‌లు, బ్రాండ్ డీల్స్, పాడ్‌కాస్ట్‌లు, అతని డిజిటల్ మార్కెటింగ్ కంపెనీతో సహా అనేక వనరుల నుండి డబ్బులు సంపాదిస్తాడు. రణ్‌వీర్ తన బీర్‌బైసెప్స్ ఛానెల్‌కు 7 మిలియన్లకు పైగా సబ్‌స్క్రైబర్‌లను కలిగి ఉన్నాడు. అతని హిందీ ఛానెల్ రణ్‌వీర్ అల్లాబాడియా హిందీకి కూడా మంచి ప్రేక్షకులు ఉన్నారు. ఒక నివేదిక ప్రకారం, అతని యూట్యూబ్ ఛానల్ నెలకు రూ. 10-20 లక్షలు సంపాదిస్తుంది.
వారు Zomato, Cred, Myprotein వంటి అనేక పెద్ద బ్రాండ్‌లతో.. ఇతర కంపెనీలతో కలిసి పని చేస్తారు. దీని వలన అతడు నెలకు రూ.30-రూ.50 లక్షల వరకు సంపాదించవచ్చు. రణ్‌వీర్ షో భారతదేశంలోని అతిపెద్ద పాడ్‌కాస్ట్‌లలో ఒకటి, ఇది స్పాటిఫై, ఇతర ప్లాట్‌ఫామ్‌ల నుండి ఆదాయాన్ని సంపాదించి పెడుతుంది. ఈ ప్లాట్‌ఫామ్ నుండి వారు నెలకు రూ. 10-15 లక్షలు సంపాదించవచ్చు. రణ్‌వీర్ మాంక్ ఎంటర్‌టైన్‌మెంట్ అనే డిజిటల్ మార్కెటింగ్ కంపెనీని కూడా ప్రారంభించాడు. ఇది అనేక మంది ఇన్ఫ్లుయెన్సర్లు, బ్రాండ్‌లతో కలిసి పనిచేస్తుంది. ఈ కంపెనీ నుండి అతని నెలవారీ ఆదాయం కూడా లక్షల్లోనే ఉంటుంది.
మొత్తం నెలవారీ ఆదాయాలు
అన్ని వనరులను కలిపితే, రణవీర్ అల్లాబాడియా నెలవారీ ఆదాయం దాదాపు రూ. 60 లక్షల నుండి కోటి వరకు ఉంటుంది. అతని సంపాదన ప్రతి నెలా మారవచ్చు కానీ డిజిటల్ ప్లాట్‌ఫామ్‌లపై అతని పట్టును పరిశీలిస్తే అది నిరంతరం పెరుగుతూనే ఉంది.