Pushpa: తను తీసే సినిమాలో కథకు ఎంత ప్రాధాన్యం ఇస్తాడో.. పాత్రల రూపకల్పనలోనూ అంతే శ్రద్ధ తీసుకుంటారు దర్శకుడు సుకుమార్. ఆ పాత్రలకు ఎంచుకున్న వారిని సహజంగా చూపించే వారిలో సుకుమార్ ముందుంటాడనడంలో ఎటువంటి సందేహం లేదు. రంగస్థం సినిమాలోని పాత్రలే అందుకు ప్రత్యక్ష నిదర్శనం. కాగా, ప్రస్తుతం సుకుమార్ దర్శకత్వంలో తెరకెక్కుతోన్న సినిమా పుష్ప.
ఇందులోనూ ఇదే పంథాలో వెళ్తున్నారు. ఇప్పటికే విడుదలైన ఫస్ట్లుక్, పాటలు నెట్టింట్లో సందడి చేస్తున్నాయి. ఈ సినిమా కోసం స్టైలిస్ స్టార్ అల్లు అర్జున్ తన కెరీర్లో ఎప్పుడూ కనిపించనంత మాస్ లుక్లో దర్శనమివ్వనున్నారు. పక్కా పల్లెటూరు మొరటోడిగా సుకుమార్ బన్నీని తీర్చిదిద్దారు. ఇందులో హీరోయిన్గా నటిస్తున్న రష్మికనూ డీగ్లామర్ పాత్రలో చూపిస్తున్నారు సుకుమార్. ఇప్పటికే రష్మిక పాత్రకు సంబంధించిన ఫస్ట్లుక్లో ఆ విషయం క్లియర్గా తెలుస్తోంది.
అయితే, పాలరాయిలా మెరిసిపోయే రష్మికను డీగ్లామర్గా చూపించేందుకు ఎంత మేకప్ వేశారో తెలిస్తే షాక్ అవ్వాల్సిందే. తాజాగా, రష్మిక షూటింగ్ స్పాట్లో తన చేతి ఫొటో తీసి ఇన్స్టాగ్రామ్ స్టోరీస్లో పోస్ట్ చేసింది. లంచ్ సమయంలో చేతులు కడుక్కోకుండా.. కేవలం అరచేతి భాగం మాత్రమే మేకప్ లేకుండా కనిపించింది.
అరచేతిపైన మొత్తం గోధుమ రంగులో మేకప్ నిడిపోయింది. ఈ ఒక్క ఫొటోతో రష్మిక పాత్ర విషయంలో సుకుమార్ ఎంత శ్రద్ధ వహిస్తున్నారో అర్ధమవుతోంది. ప్రస్తుతం ఈ ఫొటో నెట్టింట వైరల్గా మారింది. పుష్ప చిత్రాన్ని డిసెంబర్లో విడుదల చేసేందుకు సన్నాహాలు చేస్తోంది చిత్రబృందం. ఇన్ని అంచనాల నడుమ వస్తోన్న ఈ సినిమా థియేటర్స్లో ఎలాంటి వండర్స్ సృష్టిస్తుందో తెలియాలంటే విడుదల వరకు ఎదురు చూడాల్సిందే.
