Covid: ప్రముఖ దర్శకుడు సురేందర్ రెడ్డి కరోనా బారిన పడ్డారు. ఇటీవలే షూటింగ్ నిమిత్తం హంగేరి వెళ్లిన ఆయన.. ఇంటికి తిరిగి వచ్చాక కాస్త అలసటగా ఉండటంతో పరీక్షలు చేయించుకున్నారు. ఈ క్రమంలోనే ఆయనకు పాజిటివ్ నిర్ధరణ అయ్యింది. కాగా, ఆయతో పాటు, కుటుంబసభ్యులకూ పరీక్షలు నిర్వహించగా.. వారికీ కొవిట్ పాజిటివ్ నిర్ధరణ అయినట్లు తెలుస్తోంది. ప్రస్తుతం వారంతా క్వారంటైన్లో ఉండి చికిత్స తీసుకుంటున్నట్లు సమాచారం.
ప్రస్తుతం సురేందర్ రెడ్డి ఏజెంట్ సినిమాకు దర్శకత్వం వహిస్తున్న సంగతి తెలిసిందే. ఇందులో అక్కినేని అఖిల్ హీరోగా నటిస్తున్నారు. ఏకే ఎంటర్టైన్మెంట్స్ బ్యానర్, సురేందర్ సినిమాస్ సంయుక్తంగా ఈ సినిమాను నిర్మిస్తున్నారు. ఇటీవలె హంగేరిలో కొన్ని ముఖ్యమైన యాక్షన్ సీన్స్ షూట్ చేయడం కోసం యనిట్ మొత్తం వెళ్లింది. ఇప్పటికే విడుదలైన పోస్టర్ సినిమాపై అంచనాలను పెంచింది. కరోనా నుండి కోలుకున్న అనంతరం సురేందర్ రెడ్డి తిరిగి షూటింగ్ పనుల్లో బిజీ కానున్నారు. రేసుగుర్రం, కిక్ వంటి సూపర్ హిట్లు కొట్టిన సురేందర్.. మెగాస్టార్ చిరంజీవితో కలిసి తీసిన సైరా నరసింహా రెడ్డి సినిమా రికార్డులను నెలకొల్పింది. స్వాతంత్య్రోద్యం నేపథ్యంలో వాస్తవ ఘటనల ఆధారంగా ఈ సినిమాను రూపొందించారు.
చిరు 151వ సినిమాగా తెరకెక్కిన ఈ చిత్రం ప్రేక్షకులను మెప్పించింది. ముఖ్యంగా సినిమాలో చివరి సీన్ ప్రతి ఒక్కరికి కన్నీళ్లు తెప్పించింది. ఆ రేంజ్ ఇంటెన్సిటీలో చూపించారు సురేందర్ రెడ్డి. మరి ఏజెంట్ సినిమా ఎలా ఉండబోతోందో తెలియాల్సి ఉంది.