Radhe Shyam: యంగ్ రెబల్స్టార్ ప్రభాస్ హీరోగా రాధాకృష్ణ దర్శకత్వంలో తెరకెక్కుతోన్న సినిమా రాధేశ్యామ్. ఇందులో పూజా హెగ్డే హీరోయిన్ గా నటిస్తుంది. పీరియాడికల్ లవ్స్టోరీ నేపథ్యంలో ఈ సినిమాను రూపొందిస్తున్న సంగతి తెలిసిందే. పాన్‌ ఇండియా మూవీ గా తెరకెక్కుతున్న ఈ సినిమా కోసం ప్రభాస్ ఫ్యాన్స్‌ ఎంతగానో వేచి చూస్తున్నారు. గోపి కృష్ణ మూవీస్ ప్రైవేట్ లిమిటెడ్, యువి క్రియేషన్స్‌ ద్వారా భారీ బడ్జెట్‌తో రూపొందుతున్న ‘రాధే శ్యామ్’ను రెబల్ స్టార్ డాక్టర్ యువి కృష్ణం రాజు సమర్పిస్తున్నారు.
ఇప్పటికే ఈ సినిమా నుంచి విడుదలైన పాటలు, ప్రోమోలు, ప్రచార చిత్రాలు ప్రేక్షకులను అమితంగా ఆకట్టుకున్నాయి. వచ్చే ఏడాది జనవరి 14న ఈ సినిమా ప్రపంచవ్యాప్తంగా ప్రేక్షకులను పలకరించనుంది. ఈ సందర్భంగా ప్రమోషన్స్లో భాగంగా మీడియాతో ముచ్చటించిన దర్శకుడు రాధాకృష్ణ. ఈ సినిమాకు సంబంధించి పలు ఆసక్తికర విషయాలు పంచుకున్నారు.
ఈ సినిమాలో హీరో ప్రభాస్ నటన గురించి స్పందిస్తూ.. రాధేశ్యామ్కు ప్రభాస్ యాక్టింగ్ హైలైట్గా నిలుస్తుందని అన్నారు. కళ్లతో ఫీలింగ్స్ను పలికించే సత్తా ఉన్న వ్యక్తి ప్రభాస్ అని తెలిపారు. సినిమాలో వేరే లెవెల్లో యాక్టింగ్ ఉంటుందని చెప్పుకొచ్చారు. ఈ సినిమాలో ప్రభాస్ది చాలా ఇంటెన్స్ క్యారెక్టర్ అని పేర్కొన్నారు.
ఈ సినిమాతో పాటు ప్రభాస్ ఆదిపురుష్ సినిమాలోనూ నటిస్తున్నారు. దీంతో పాటు సలార్ చిత్రంలోనూ కనిపించనున్నారు. ఆదిపురుష్ సినిమా ఇప్పటికే షూటింగ్ పూర్తయిపోయింది. ఇందులో రాముడి పాత్రలో కనువిందు చేయనున్నారు ప్రభాస్. కాగా, ఈ సినిమాలో కృతి సనన్ సీత పాత్రలో నటించింది. సైఫ్ అలీఖాన్ రావణుడిగా కనిపించనున్నారు.
