Director Anil Ravipudi: అనిల్ రావిపూడి’ సినిమాల్లోనే కాదు, బయట కూడా బాగానే కామెడీ చేస్తున్నాడు. ప్రస్తుతం అనిల్, బాలయ్య బాబుతో ఓ సినిమా చేయడానికి రెడీ అయ్యాడు. అయితే, ఇంతవరకు ‘ఆలు లేదు, చూలు లేదు, కొడుకు పేరు సోమలింగం’ అన్నట్టు ఉంది అనిల్ రావిపూడి వ్యవహారం. బాలయ్య సినిమా స్క్రిప్ట్ నే ఇంతవరకు పూర్తి చేయలేదు. కానీ, ఈ సినిమా ఎప్పుడు ఫినిష్ అవుతుంది ? ఎప్పుడు రిలీజ్ అవుతుంది ? లాంటి విషయాలను డిసైడ్ చేసేస్తున్నాడట.
Director Anil Ravipudi
పైగా సినిమా రిలీజ్ కి ముందు నుంచే సిద్ధంగా ఉండాలని నిర్మాతలకు చెబుతున్నాడట. ఇంతకీ అనిల్ ప్లాన్ ఏమిటంటే.. వచ్చే నెల నుంచి బాలయ్య సినిమా స్క్రిప్ట్ వర్క్‌ స్టార్ట్ చేస్తాడట. అలాగే సమ్మర్ తర్వాత నుంచి.. అంటే, జూలై నుంచి షూటింగ్ స్టార్ట్ చేసి.. ఇక సినిమాని ఎట్టిపరిస్థితిలో వచ్చే సంక్రాంతికి రిలీజ్ చేయాలని అనిల్ ప్లాన్ ఫిక్స్ చేశాడట.
Also Read: ట్రోలర్స్ అలాంటి వాళ్ళే అంటూ ఫైర్ అయిన బాలీవుడ్ హీరో అర్జున్ కపూర్… కారణం అదేనా ?
పిచ్చ కామెడీ అంటే ఇదే.. ఒక పక్క కరోనా మూడో వేవ్ అంటూ సినిమాలన్నీ పోస్ట్ ఫోన్ చేసుకుంటుంటే.. మధ్యలో ఈ బాలయ్య సినిమా ప్లాన్ ఏమిటి ? పోనీ ప్లాన్ ఏమైనా పర్ఫెక్ట్ గా ఉందా ? అదీ లేదు. అసలు ఈ మూడో వేవ్ కోవిడ్ ప్రభావం ఎలా ఉంటుందో కూడా క్లారిటీ లేదు. కానీ తన ప్రభావం గట్టిగా చూపించడానికి మూడో వేవ్ సిద్ధంగా ఉంది.
దాంతో ఏ సినిమా ఎప్పుడు స్టార్ట్ అవుతుంది ? ఎప్పుడు విడుదల అవుతుందో అర్ధం కానీ పరిస్థితి ఉంది. మరి ఇలాంటి పరిస్థితుల్లో ప్లానింగ్ అవసరమా అనిల్ ? ఏది ఏమైనా టాలెంటెడ్ డైరెక్టర్ గా అనిల్ రావిపూడికి మంచి డిమాండ్ ఉంది. అన్నట్టు ఈ మధ్య బాలయ్య సినిమా పై ఓ ఇంటర్వ్యూలో అనిల్ రావిపూడి మాట్లాడుతూ.. ‘బాలకృష్ణగారితో చేయబోయే సినిమాలో సీరియస్ యాక్షన్ డ్రామాతో పాటు కామెడీ కూడా బాగా ఉంటుందని చెప్పాడు.
పైగా బాలయ్యను కొత్త తరహాలో చూపిస్తాడట. అయినా అనిల్ రావిపూడి – బాలయ్య బాబు లాంటి క్రేజీ కలయికలో సినిమా అంటే భారీ అంచనాలు ఉంటాయి. ప్రస్తుతం అనిల్ రావిపూడి ఎఫ్ 3 సినిమాలో ఫుల్ బిజీగా ఉన్నాడు. ఈ సినిమా ఇప్పటికే పూర్తి అయి ఫస్ట్ కాపీతో రెడీగా ఉంది.
Also Read: క్లాస్ కి రెడీ అయిన ధనుష్ ” సార్ “… క్లాప్ కొట్టి షూటింగ్ ప్రారంభించిన డైరెక్టర్ త్రివిక్రమ్