ఇటీవల విడుదలైన ‘వరల్డ్ ఫేమస్ లవర్’ సినిమా విజయ్ దేవరకొండకు నిరాశనే మిగిలించింది. ప్రస్తుతం ఆయన పూరి జగన్నాధ్ డైరెక్షన్లో ‘ఫైటర్’ అనే సినిమా చేస్తున్నాడు. తెలుగుతో పాటు హిందీలో కూడా రిలీజ్ కానున్న ఈ సినిమా ప్యాన్ ఇండియన్ మూవీగా తెరకెక్కనుంది. రేర్ కాంబినేషన్ ఈ మూవీ వస్తుండటంతో అభిమానులలో అంచనాలు భారీగా ఉన్నాయి. ఇదిలా ఉంటే తాజాగా ఈ ఫైటర్ స్టిల్స్ సోషల్ మీడియాలో లీక్ అయ్యాయి.
ప్రస్తుతం ఈ చిత్రం షూటింగ్ ముంబైలో జరుగుతోంది. బాలీవుడ్ బ్యూటీ అనన్య పాండే హీరోయిన్గా తెలుగులో అరంగేట్రం చేయనుంది. అంతేకాక ఈ సినిమా కోసమే విజయ్ ప్రత్యేకంగా మార్షల్ ఆర్ట్స్ను కూడా నేర్చుకున్నాడు. హీరో హీరోయిన్లు ఒక బైక్ సీక్వెన్స్ సీన్కు సంబంధించిన స్టిల్స్ ఇప్పుడు సోషల్ మీడియాలో వైరల్ అవుతున్నాయి.
