Devara Movie: దేవర నుండి డైలాగ్ లీక్… వింటే గూస్ బంప్స్ గ్యారంటీ, ఎన్టీఆర్ రోల్ ఎలా ఉంటుందో క్లారిటీ వచ్చేసింది!

Devara Movie: దేవర విడుదలకు సమయం దగ్గర పడుతుంది. చకచకా పనులు పూర్తి చేస్తున్నాడు దర్శకుడు కొరటాల శివ. తాజాగా ఈ చిత్రంలోని ఓ పవర్ఫుల్ డైలాగ్ లీకైంది. సదరు డైలాగ్ సోషల్ మీడియాలో వైరల్ అవుతుండగా ఫ్యాన్స్ పండగ చేసుకుంటున్నారు. ఒక్క డైలాగ్ తో దేవర మూవీలో ఎన్టీఆర్ రోల్ పై హింట్ ఇచ్చాడు కొరటాల శివ.

ఆర్ ఆర్ ఆర్ మూవీతో పాన్ ఇండియా హీరోగా ఎదిగాడు ఎన్టీఆర్. దర్శకుడు రాజమౌళి తెరకెక్కించిన ఈ మల్టీస్టారర్ రూ. 1200 కోట్లకు పైగా వసూళ్లు రాబట్టింది. కలెక్షన్స్ పక్కన పెడితే ఆర్ ఆర్ ఆర్ ఆస్కార్ గెలుచుకోవడం అనూహ్య పరిణామం. ఆస్కార్ అనేది ఇండియన్ సినిమాకు అందని ద్రాక్షగా ఉంది. ఇప్పటి వరకు ఆస్కార్ గెలిచిన ఇండియన్స్ ని వేళ్ళపై లెక్కపెట్టవచ్చు.

ఆర్ ఆర్ ఆర్ మూవీ లోని నాటు నాటు సాంగ్ ఒరిజినల్ సాంగ్ విభాగంలో ఆస్కార్ అందుకుంది. ఆర్ ఆర్ ఆర్ వంటి ఇండస్ట్రీ హిట్ అనంతరం ఎన్టీఆర్ నుండి వస్తున్న దేవర మూవీపై సహజంగానే అంచనాలు భారీగా ఉన్నాయి. దేవర రెండు భాగాలుగా విడుదల కానుందని దర్శకుడు కొరటాల శివ ఇప్పటికే ప్రకటించారు. సమ్మర్ కానుకగా విడుదల కావాల్సిన దేవర వాయిదా పడింది. దసరా పండగను పురస్కరించుకుని అక్టోబర్ 10న విడుదల చేస్తున్నట్లు ప్రకటించారు.

కాగా దేవర విడుదల తేదీ మరలా మారినట్లు సమాచారం. ప్రీపోన్ చేస్తూ సెప్టెంబర్ 27న విడుదల చేసేందుకు సన్నాహాలు చేస్తున్నారు. ఈ క్రమంలో డబ్బింగ్ పనులు స్టార్ట్ అయ్యాయి. హీరో ఎన్టీఆర్ తన పాత్రకు డబ్బింగ్ చెబుతున్నారట. ఈ క్రమంలో దేవర ఉంది ఓ డైలాగ్ లీక్ అయ్యింది. ”సదా సీదా మగాళ్లు కావాలా… ఈ ఊరినే ఉప్పొగించే వీరుడు కావాలా?” అని ఎన్టీఆర్ చెప్పిన డైలాగ్ గూస్ బంప్స్ రేపుతోంది.

ఒక్క డైలాగ్ తో ఎన్టీఆర్ రోల్ దేవర మూవీలో ఎంత రెబల్ గా ఉంటుందో తెలిసొచ్చింది. దేవర మూవీలో ఎన్టీఆర్ డ్యూయల్ రోల్ చేస్తున్నారని సమాచారం. ఒక పాత్ర అవుట్ అండ్ అవుట్ సీరియస్ మోడ్ లో సాగుతుందట. శత్రువులను సముద్ర తీరం వేదికగా రక్తపుటేరులు పారిస్తారట ఎన్టీఆర్. ఇక సెకండ్ పార్ట్ పై ఆసక్తి పెంచేలా అద్భుతమైన క్లైమాక్స్ దర్శకుడు కొరటాల శివ సిద్ధం చేశారట.

ఇక ఎన్టీఆర్ కి జంటగా జాన్వీ కపూర్ నటించడం ఆసక్తికర పరిణామం. ఆమెకు ఇది ఫస్ట్ సౌత్ ఇండియన్ మూవీ. జూనియర్ ఎన్టీఆర్ తాతయ్య ఎన్టీఆర్, జాన్వీ తల్లి శ్రీదేవి అప్పట్లో సిల్వర్ స్క్రీన్ ని షేక్ చేశారు. వీరిద్దరి కాంబోలో అనేక బ్లాక్ బస్టర్స్ వచ్చాయి. వారి వారసులు జంటగా నటించడం కొసమెరుపు. జాన్వీ పాత్ర కూడా కథలో చాలా కీలకంగా ఉంటుందని కొరటాల వెల్లడించాడు.

ఎన్టీఆర్ కి విలన్ గా బాలీవుడ్ నటుడు సైఫ్ అలీ ఖాన్ నటిస్తున్నారు. తెలుగులో సైఫ్ అలీ ఖాన్ కి ఇది రెండో చిత్రం. గత ఏడాది ఆదిపురుష్ మూవీలో రావణాసురుడు పాత్రలో టాలీవుడ్ ఆడియన్స్ ని పలకరించాడు. అలాగే సీనియర్ హీరో శ్రీకాంత్ కీలక రోల్ చేస్తున్నట్లు సమాచారం. దేవర చిత్రానికి అనిరుధ్ రవిచంద్రన్ మ్యూజిక్ అందిస్తున్నారు. ఎన్టీఆర్ ఆర్ట్స్, యువ సుధ ఆర్ట్స్ సంయుక్తంగా నిర్మిస్తున్నారు. దేవర చిత్రానికి దాదాపు రూ. 300 కోట్ల బడ్జెట్ కేటాయించారు.