Satya Jatley Trailer Review: తన కామెడీ టైమింగ్ తో ఇండస్ట్రీ లోకి అడుగుపెట్టిన అతి తక్కువ సమయం లోనే మంచి క్రేజ్ ని సంపాదించుకున్న నటుడు సత్య. జబర్దస్త్ కామెడీ షో ద్వారా మన ఆడియన్స్ కి పరిచయమైనా ఈయన ఆ తర్వాత సినిమాల్లో చిన్న చిన్న పాత్రలను సంపాదించి , అంచెలంచెలుగా ఎదుగుతూ నేడు ఈ స్థాయికి చేరుకున్నాడు. ఒకప్పుడు బ్రహ్మానందం సినిమాలో ఉంటే చాలు , కళ్ళు మూసుకొని టికెట్స్ ని కొనుగోలు చేసేవాళ్ళు ఆడియన్స్, అలాంటి ఇమేజ్ నేటి తరం కమెడియన్స్ కి అసాధ్యమని అంతా అనుకున్నారు, కానీ కమెడియన్ సత్య ఆ రేంజ్ కి చేరుకున్నాడు. గొప్పగా లేని సన్నివేశాలను కూడా తన కామెడీ టైమింగ్ తో నవ్వు రప్పించగల కెపాసిటీ సత్య సొంతం. అయితే ఇప్పుడు ఆయన హీరో గా నటించిన ‘సత్య ఈజ్ నాట్ జెట్లీ’ అనే చిత్రం మే 1 న ప్రపంచవ్యాప్తంగా గ్రాండ్ రిలీజ్ కాబోతుంది.
ఇప్పటి వరకు ఈ సినిమా నుండి విడుదలైన టీజర్ కి , పాటలకు ప్రేక్షకుల నుండి మంచి రెస్పాన్స్ వచ్చింది. ఇక నేడు ఈ చిత్రానికి సంబంధించిన థియేట్రికల్ ట్రైలర్ ని విడుదల ఒక గ్రాండ్ లాంచ్ ఈవెంట్ ని ఏర్పాటు చేసి కాసేపటి క్రితమే విడుదల చేశారు మేకర్స్. ఈ ఈవెంట్ కి నటీనటులందరూ సినిమాలో పోషించిన గెటప్స్ తోనే ఎంట్రీ ఇవ్వడం విశేషం. అయితే ఈరోజు విడుదల చేసిన ఈ థియేట్రికల్ ట్రైలర్ ఎలా ఉందో ఒకసారి చూద్దాం. ఈ చిత్రానికి నితీష్ రానా దర్శకుడు. ఇప్పటి వరకు ఆయన ‘మత్తు వదలరా’, ‘హ్యాపీ బర్త్ డే’, ‘మత్తు వదలరా 2’ వంటి చిత్రాలకు దర్శకత్వం వహించాడు. ఆ స్టైల్ కామెడీ చాలా కొత్తగా ఉంటుంది , అర్థం చేసుకున్నోళ్ళు ఆయన సినిమాలను ఒక రేంజ్ లో ఎంజాయ్ చేస్తారు.
అలా తనకంటూ ఒక ప్రత్యేకమైన ఆడియన్స్ క్రియేట్ చేసుకున్నాడు నితీష్ రానా. అయితే నేడు విడుదల చేసిన ట్రైలర్ , ఆయన ఆడియన్స్ కి కూడా పెద్దగా ఎక్కలేదనే చెప్పాలి. ఆయన మార్క్ కామెడీ టైమింగ్ ప్రయత్నం చేసాడు కానీ , ఎందుకో పెద్దగా వర్కౌట్ అయ్యినట్టు అనిపించలేదు. ఒక్క జోక్ కి కూడా నవ్వు రాలేదు. సత్య చాలా వరకు తన కామెడీ టైమింగ్ తో లేపే ప్రయత్నం చేశాడు కానీ , అక్కడ రైటింగ్ లో పస లేనప్పుడు సత్య మాత్రం ఎంత వరకు లేపగలడు చెప్పండి అంటూ సోషల్ మీడియా లో ఈ ట్రైలర్ ని చూసిన వాళ్ళు కామెంట్స్ చేస్తున్నారు. మరి ఈ ట్రైలర్ మీకు నచ్చిందా?, మీ అభిప్రాయాన్ని క్రింద అందిస్తున్న ఈ ట్రైలర్ ని చూసి కామెంట్స్ చేయండి.
