MEGA154: సైరా నరసింహారెడ్డి సినిమా గ్రాండ్ సక్సెస్ తర్వాత వరుస సినిమాలతో ఫుల్ బిజీగా మారారు మెగాస్టార్ చిరంజీవి. ఇప్పటికే, ఆచార్య, గాడ్ఫాదర్, భోళా శంకర్ సినిమాలను ఒప్పుకుని షూటింగ్స్లో నిమగ్నమయ్యారు. ఇప్పుడు మరో సినిమాకు పచ్చజెండా ఊపేసి అభిమానుల్లో ఉత్సాహాన్ని నింపారు చిరు. బాబీ దర్శకత్వంలో చిరంజీవి హీరోగా మెగా154 టైటిల్తో సినిమా ప్రకటించారు. శనివారం పూజా కార్యక్రమాలతో షూటింగ్ ఈ సినిమా షూటింగ్ లాంఛనంగా ప్రారంభమైంది. ఈ సందర్భంగా చిరు మాస్లుక్ను విడుదల చేసింది చిత్రబృందం. ఇందులో రఫ్లుక్తో ఫ్యాన్స్ను ఆకట్టుకుంటున్నారు అన్నయ్య. స్టైల్గా సిగరెట్ వెలిగిస్తూ.. పోస్టర్లో పిచ్చెక్కించేశారు. మైత్రీ మూవీ మేకర్స్ భారీ బడ్జెట్తో ఈ సినిమాను నిర్మిస్తోంది. దేవిశ్రీ ప్రసాద్ సంగీతం అందిస్తున్నారు.
Our favourite matinee idol, in an avatar we love to see him the most 🔥🔥
Presenting the 'Mass Moolavirat' from #Mega154 😎😎
Inka Mana Annayya Araachakam Aarambham 💥💥
Megastar @KChiruTweets @dirbobby @ThisIsDSP ❤️❤️ pic.twitter.com/qaZaWn49ae
— Mythri Movie Makers (@MythriOfficial) November 6, 2021
కాగా, కొరటాల శివ దర్శకత్వంలో తెరకెక్కిన ఆచార్య సినిమాతో త్వరలోనే ప్రేక్షకుల ముందుకు రానున్నారు చిరు. ఇందులో ఆయన తనయుడు, మెగా పవర్స్టార్ రామ్చరణ్ కూడా కనిపించున్నారు. ఇటీవలే విడుదలైన పోస్టర్, ప్రోమోలు, సాంగ్స్ ప్రేక్షకులను కట్టిపడేస్తున్నాయి. మరోవైపు, గాడ్ఫాదర్, భోళాశంకర్ చిత్రాలతోనూ బిజీగా ఉన్నారు చిరు. కాగా, ఆర్ఆర్ఆర్ సినిమాతో ఫుల్ బీజీగా గడుపుతున్న చరణ్.. దిగ్గజ దర్శకుడు శంకర్తోనూ ఓ ప్రాజెక్టుకు పచ్చజెండా ఉపేశారు. ఇలా తండ్రికొడుకులు ఇద్దరూ వరుస సినిమాలతో జోరు పెంచుతున్నారు. వీరిద్దరి నుంచి సినిమా వస్తోందంటే చాలు థియేటర్లలో సందడి మాములుగా ఉండదు. అలాంటిది సినిమా మీద సినిమా చేస్తూ అభిమానులకు ఆశ్చర్యం మీద ఆశ్చర్యం కలిగిస్తున్నారు. మరి బాక్సాఫీసు వద్ద వీరిద్దరు కలిసి పోటీ పడితే ఎలా ఉంటుందో అని ఆశగా ఎదురుచూస్తున్నారు అభిమానులు.
