Nagma : పొగరున్న అమ్మాయి పాత్రలు, సంపన్న కుటుంబానికి చెందిన అమ్మాయి పాత్రల్లో నటించి ఆకట్టుకుంది నగ్మా. కానీ రియల్ లైఫ్లో మాత్రం చాలా డిఫరెంట్. ఎందుకంటే ఈ నటి చాలా పేదరికం నుంచి వచ్చింది. తండ్రి చేసిన మోసంతో రోడ్డున పడ్డారట. కానీ అక్కడ నుంచి నెమ్మదిగా నటిగా మారి నిలదొక్కుకుంటూ వచ్చింది. అనతి కాలంలోనే స్టార్గా ఎదిగింది. మోస్ట్ బిజీయెస్ట్ హీరోయిన్ గా మారిపోయింది. కెరీర్ పీక్లో అత్యధిక పారితోషికం అందుకున్న హీరోయిన్గా నిలిచింది. కానీ ఈమె లవ్ ఎఫైర్స్ మాత్రం ఆమె కెరీర్ ను దెబ్బతీస్తూ వచ్చాయి.
ప్రారంభంలో ఆమె స్టార్ క్రికెటర్, అప్పట్లో టీమిండియా కెప్టెన్ సౌరబ్ గంగూలీతో ప్రేమాయణం సాగించింది నగ్మా. కొన్నాళ్లపాటు ఈ ఇద్దరు సహజీవనం చేశారట. అయితే పెళ్లి వరకు వెళ్లినట్టు వార్తలు వచ్చాయి. తిరుపతిలో మ్యారేజ్ చేసుకోవాలనుకున్నారని, కానీ ఈ విషయం గంగూలీ భార్యకి తెలియడంతో ఆమె పెద్ద గొడవ చేసిందని దీంతో పెళ్లి నిర్ణయం వెనక్కి తీసుకున్నారట.
ఆ తర్వాత నగ్మా కొన్నాళ్లు తన సినిమాలతోనే బిజీగా ఉంది. అయితే ఆ సమయంలోనే సౌత్పై ఫోకస్ పెట్టింది. తెలుగు, తమిళంలో సినిమాలు చేసింది. అందులో భాగంగా శరత్ కుమార్కి దగ్గరయ్యిందట. ఈ ఇద్దరు ప్రేమించుకున్నారట. ఈమె కోసం శరత్ సినిమాలు నిర్మించడం స్టార్ట్ చేసి, తనతోనే తిరిగేవాడట. అయితే ఈ విషయం తన భార్యకు తెలిసి పెద్ద ఇష్యూ అయ్యిందట. శరత్ కుమార్కి విడాకులు కూడా ఇచ్చింది. కానీ అప్పటికే శరత్ కుమార్, నగ్మాకి గ్యాప్ వచ్చింది. అయినా నగ్మా వెయిట్ చేసింద. కానీ శరత్ కుమార్ ఆమెని పెళ్లి చేసుకోలేదు. అనూహ్యంగా రాధికాని రెండో పెళ్లి చేసుకున్నాడు.
రెండుసార్లు ప్రేమ విషయంలో మోసపోయింది నగ్మా. దీంతో సౌత్ సినిమాలు తగ్గించింది. భోజ్పూరిలో సినిమాలు చేసింది. అక్కడ ఓ వెలుగు వెలిగింది.సౌత్ లో స్టార్ అని ఇక్కడి మేకర్స్ ఆమెను నెత్తిన పెట్టుకున్నారు. ఇక అక్కడ స్టార్గా రాణిస్తున్న రవికిషన్తో బాగానే సినిమాలు చేసింది నగ్మా. దీంతో ఇద్దరి మధ్య లవ్ ట్రాక్ స్టార్ట్ అయ్యిందనే టాక్ వచ్చింది. ఇద్దరు లివింగ్ రిలేషన్స్ లో ఉన్నారు. మ్యారేజ్కి కూడా సిద్ధమయ్యారట. కానీ రవికిషన్ ఫ్యామిలీ, వైఫ్ నుంచి పెద్ద గొడవ రావడంతో రవికిషన్ చేసేదేం లేక నగ్మాకి బ్రేకప్ చెప్పారని టాక్.
అదే సమయంలో మరో భోజ్పూరీ స్టార్ మనోజ్ తివారికి దగ్గరయ్యింది. అయితే సినిమాల్లో రవికిషన్, మనోజ్ తివారీ ల మధ్య అప్పుడే బాగా టఫ్ పోటీ ఉండేది. దీంతో నగ్మా.. రవికిషన్పై ఉన్న కోపంతో మనోజ్ కి దగ్గర అయిందనే టాక్ వచ్చింది. కొన్నాళ్లు ఈ ఇద్దరు లవ్ నడిపించారట. విషయం తెలిసి మనోజ్ ఫ్యామిలీ.. నగ్మాకి వార్నింగ్ ఇచ్చారట. దీంతో ఆమె ఆయనకు దూరమయ్యిందని టాక్. ఇలా నాలుగుసార్లు ప్రేమలో మోసపోయింది నగ్మా. నలుగురు స్లార్లూ ఆమెని మోసం చేశారు. దీంతో ప్రేమ, పెళ్లి అనే బంధంపైనే విరక్తి చెందింది. దీంతో ఇక మ్యారేజ్ చేసుకోకూడదని నిర్ణయించుకుందట. అలా నగ్మా ఇప్పటి వరకు మ్యారేజ్ చేసుకోలేదు.
ఇదిలా ఉంటే నగ్మా.. కిల్లర్ చిత్రంతో తెలుగులో ఎంట్రీ ఇచ్చింది. కానీ ఘరానా మోగొడు సినిమాతో బ్రేక్ అందుకుంది. అశ్శమేథం, మేజర చంద్రకాంత్, వారసుడు, `కొండపల్లి రాజా, అల్లరి అల్లుడు, ముగ్గురు మొనగాళ్లు, సూపర్ పోలీస, గ్యాంగ్ మాస్టర్, ఆవేశం, మౌనం, రిక్షావోడు, అడవి దొర, భరత సింహం, సరదా బుల్లోడు, సూర్యపుత్రులు చిత్రాలతో అలరించారు.
