Guinnes Record: ప్రముఖ సినిమా కొరియోగ్రాఫర్ రాధిక అరుదైన ఘనత సాధించారు. గిన్నిస్ బుక్ ఆఫ్ వరల్డ్లో చోటు దక్కించుకున్నారు. ఏఎంఎస్ ఫైన్ ఆర్ట్స్ సంస్థ నిర్వహకులు, సమాజ సేవకులు డాక్టర్ ఆర్.జె. రామనారాయణన్ నాట్యకళలను ప్రోత్సహించే విధంగా వాటిపై అవగాహన కలిగించేలా చెన్నైలో కార్యక్రమాలు నిర్వహిస్తుంటారు. కాగా, సినిమా నృత్య దర్శకత్వంలో రాధిక బృందం చెన్నైలోని పలు వేదికలపై ప్రదర్శన ఇస్తుండేవారు. దాతో పాటు ఆన్లైన్ ద్వారా కూడా రోజూ గంట చొప్పున 365 రోజులు నాట్యకళ వేడుకలను నిర్వహిస్తున్నారు.
ఈ క్రమంలోనే నిర్వహించిన కార్యక్రమంలో పలువురు నాట్య కళాకారులు పాల్గొన్నారు. కాగా, చివరిరోజు 600 మంది నాట్య కళాకారులతో నిర్వహించిన నాట్యకళా కార్యక్రమం గిన్నిస్ బుక్లో నమౌదైంది. న్యాయమూర్తుల సమక్షంలో నిర్వహించిన ఈ కార్యక్రమాన్ని గిన్నిస్ రికార్డ్ బుక్ నిర్వహకులు ఆన్లైన్ ద్వారా డాన్స్ను తిలకించారు.
ఈ కార్యక్రమానికి పాండిచ్చేరి ముఖ్యమంత్రి రంగస్వామి ముఖ్య అతిథిగా పాల్గొన్నారు. ఈ క్రమంలోనే నాట్య కళాకారులను అభినందిస్తూ.. గిన్నిస్ రికార్డు సాధించిన నృత్య దర్శకురాలు రాధికను సత్కరించారు. సిని పరిశ్రమలోనే కాకుండా.. నాట్యకళకు ఆమె చేసిన కృషి అభినందనీయమని అందరూ కొనియాడారు. ప్రస్తుతం ఇందుకు సంబంధించిన ఫొటోలు, వీడియోలు సోషల్మీడియాలో చక్కర్లు కొడుతున్నాయి.
