Bhola Shankar Review
Bhola Shankar Review: మెగాస్టార్ చిరంజీవి సినిమా అంటే అందరికీ క్రేజే. ఇక ఫ్యాన్స్ గురించి ప్రత్యేకంగా చెప్పనక్కర్లేదు. ఆయన సినిమా ఫస్ట్ రోజు చూడనిదే నిద్రపోరు. ఫస్ట్ డే సినిమా కోసం పోటీ పడి మరీ టికెట్లు బుక్ చేసుకుంటున్నారు. దశాబ్దకాలంగా మెగాస్టార్ సినిమా ఫస్ట్ డే నాడు పండుగ చేసుకుంటూ ఉంటారు. ఇక చిరంజీవి నటించిన లేటేస్టు మూవీ ‘భోళా శంకర్’ ఆగస్టు 11 శుక్రవారం థియేటర్లో సందడి చేస్తోంది. ఇప్పటికే ఈ మూవీ గురించి తమ అభిప్రాయాలను చాలా మంది ట్విట్టర్ ద్వారా పంచుకున్నారు. ఇక ఈ సినిమా ఫుల్ రివ్యూ ఎలా ఉందో చూద్దాం..
నటీనటులు:
చిరంజీవి, తమన్నా, కీర్తి సురేష్, సుశాంత్, మురళీ శర్మ, రఘుబాబు, రావు రమేష్, వెన్నెల కిషోర్, పి. రవిశంకర్, తులసి శివమణి, ప్రగతి, శ్రీముఖి, బిత్తిరి సత్తి, సత్య, రష్మీ గౌతమ్, ఉత్తేజ్, గెటేప్ శీను, లోబో
సాంకేతికి వర్గం:
డైరెక్టర్: మెహర్ రమేష్
నిర్మాత: రామబ్రహ్మం సుంకర
సంగీతం: మహతి స్వర సాగర్
కథ:
చిరంజీవి, కీర్తి సురేష్ లు అన్నా చెల్లెళ్లు. వీరిద్దరు కోల్ కతాలో నివసిస్తూ ఉంటారు. ఇక అమ్మాయిలను కిడ్నాప్ చేసే గ్యాంగ్ అందరినీ ఇబ్బందులకు గురి చేస్తుంది. ఈ క్రమంలో తమన్నా బ్రదర్ సుశాంత్ తో కీర్తి సురేష్ లవ్లో పడుతుంది. ఇలా ఓవైపు ఫ్యామిలీ ఎంటర్టైనర్ మరోవైపు గ్యాంగ్ ఆట కట్టించే పనిలో చిరు ఎలా సక్సెస్ అయ్యాడనేదే కథాంశం
కథ విశ్లేషణ:
భోళా శంకర్ కథ తమిళ ప్రేక్షకులకు తెలిసినా తెలుగువాళ్లకు పూర్తిగా తెలియదు. కానీ ఇక్కడి వారికి అనుగుణంగా దీనిని చిత్రీకరించారు. అయితే ఎప్పటిలాగే చిరు లైఫ్ లో రెండు కోణాలు అన్నట్లు గా చూపించారు. ఒకటి ఫ్లాష్ బ్యాక్. మరొకటి రియాలిటీ. చెల్లెలు సెంటిమెంట్ లో చిరు ఇప్పటికే చాలా సినిమాల్లో నటించారు. అయితే బ్యాగ్రౌండ్ తో వచ్చే మ్యూజిక్ తో ‘బోళా శంకర్’లో సెంటిమెంట్ ఆకట్టుకుంటుంది. ఓ వైపు సెంటిమెంట్ గా కనిపిస్తూనే మరోవైపు రౌడియిజంపై ఫైట్ చేస్తాడు. ఒక దశలో ఫ్లాఫ్ బ్యాక్ లో చిరంజీవి (భోళా భాయ్) కూడా రౌడీలాగే కొనసాగుతాడు. ఆయితే ఆ తరువాత కీర్తి సురేష్ సుశాంత్ తో ప్రేమలో పడిన తరువాత అసలు స్టోరీ మొదలవుతుంది. ఫస్టాప్ కామెడీ ఎంటర్టైన్మెంట్ తో సాగి.. సెకండాఫ్ సీరియస్ గా కొనసాగుతుంది. మొత్తంగా సినిమా ఫస్టాఫ్ కంటే సెకండాప్ హైలెట్ గా ఉంటుంది.
ఎవరెలా చేశారంటే:
మెగాస్టార్ యాక్టింగ్ కు తిరుగులేదు. రెండు పాత్రలో చిరు తన పనితనాన్ని చూపించారు. అయితే కొన్ని ఫైట్స్ సీన్స్ చాలా వరకు ఆకట్టుకున్నా.. గ్రాఫిక్స్ పనితనం తెలిసిపోతుంది. ఇక కీర్తి సురేష్ చిరంజీవి చెల్లెలి పాత్రలో ఆకట్టుకుంది. సుశాంత్ సైడ్ పాత్రలో కనిపించి పర్వాలేదనిపించాడు. ఇందులో కీర్తి సురేష్ చెల్లెలుగా శ్రీముఖి అలరించింది. తమన్నాకు పెద్దగా ప్రాధాన్యం లేకపోయినా..సాంగ్స్ తో అలరించింది.
సాంకేతిక వర్గం ఎలా ఉందంటే:
డైరెక్టర్ మెహర్ రమేష్ చిరంజీవి సినిమా విషయంలో కాస్త జాగ్రత్త పడ్డాడు. కానీ కొన్ని రొటీన్ సీన్స్ పెట్టారని తెలిస్తోంది. సిస్టర్ సెంటిమెట్ సినిమాల్లో ఇవి కచ్చితంగా ఉంటాయన్నట్లు పాతవే పెట్టినట్లు తెలుస్తోంది. మొత్తంగా దూరదర్శన్ కాలం నాటివి ఈ సినిమాలో కనిపించినట్లు తెలుస్తోంది. సినిమా నిర్మాణ విలువలు ఆకట్టుకున్నాయి. ఇక ఈ సినిమాకు మ్యూజిక్ హైలెట్ అని చెప్పొచ్చు. అయితే పాటలు ఒకటి రెండు మినహా మిగతావి ఆకట్టుకోలేదని చెప్పాలి.
మొత్తంగా సినిమాలో నటులు తమ పాత్రలకు న్యాయం చేసినా.. కొత్త సీసాలో పాత సార అన్నట్లుగా ఉంది.
రేటింగ్ : 2.5/5