16వారాలపాటు బిగ్ బాస్-4 సీజన్ సాగనుంది. ఆయా రంగాల్లో ప్రత్యేక గుర్తింపు తెచ్చుకున్న 16మంది కంటెస్టులను బిగ్ బాస్-4 సీజన్లో సందడి చేయనున్నారు. వీరితోపాటు మరికొందరు వైల్డ్ కార్డుతో ఎంట్రీ ఇవ్వనున్నారు. వచ్చేవారం నుంచి బిగ్ బాస్ టాస్కులు ప్రారంభం కానున్నారు. దీంతో బిగ్ బాస్ ప్రేక్షకులను ఎలా అలరిస్తాడో అన్నది ఆసక్తికరంగా మారింది. అయితే ‘బిగ్ బాస్’ నిర్వాహాకులు స్పాన్సర్స్ విషయంలో ఓ తప్పుచేసినట్లు తెలుస్తోంది.
అందరినీ తప్పులను వెతికి పట్టుకొని ఎలిమినేషన్ చేసే ‘బిగ్ బాస్’ తానే ఓ తప్పుచేయడం బుల్లితెర ప్రేక్షకులకు మింగుడు పడటం లేదు. చైనాకు చెందిన ఒప్పోతో బిగ్ బాస్ స్పాన్సర్ షిప్ చేసుకోవడంపై పలువురు అభ్యంతరం వ్యక్తం చేస్తున్నారు. భారత్-చైనా సరిహద్దు ఘర్షణల నేపథ్యంలో బీసీసీఐ లాంటి పెద్ద సంస్థలు సైతం ఒప్పోతో స్పాన్షన్ షిష్ ను వదులుకున్నాయి.
