Chatrapathi: టాలీవుడ్ దిగ్గజ దర్శకుడు రాజమౌళి హీరో ప్రభాస్తో తెరక్కకించిన సినిమా ఛత్రపతి. తెలుగులో ఈ సినిమా ఎంత ఘన విజయం సాధించిందో ప్రత్యేకంగా చెప్పనక్కర్లేదు. ఇదే సినిమాను ప్రస్తుతం హిందీలో తెరకెక్కిస్తున్నారు. వివి వినాయక్ దర్శకత్వంలో బెల్లంకొండ సాయి శ్రీనివాస్ హీరోగా నటిస్తున్నారు. తాజాగా, ఈ సినిమా షూటింగ్ భీమిలీ బీచ్లో మొదలైంది. ఈ సందర్బంగా చిత్రబృందం బీచ్లో సందడి చేసింది. ఇందుకు సంబంధించిన ఫొటోలు నెట్టింట వైరల్గా మారాయి. ఈ సినిమాకు బెల్లంకొండ సురేష్ నిర్మాతగా వ్యవహరిస్తున్నారు. ఈ సినిమాలో హీరోయిన్గా ముసరత్‌ బంచా నటిస్తుండగా.. హీరో తల్లిగా భాగ్యశ్రీ కనిపించనుంది.రత్‌ ఖేలేఖర్, రాజేష్‌శర్మ, రాంజేంద్ర గుప్తా కీలక పాత్రలు పోషిస్తున్నారు. భీమిలీలో డిసెంబర్‌ 10 వరకు షూటింగ్ జరగనున్నట్లు మేకర్స్ తెలిపారు.
Chatrapathi
Also Read: జగన్ కు షాకిచ్చిన వైసీపీ ఎమ్మెల్యే.. చంద్రబాబు భార్య కాళ్లు కన్నీళ్లతో కడుగుతాడట!
ఈ షూటింగ్లో దర్శకుడు వివి వినాయక్ను మంత్రి ముత్తంశెట్టి శ్రీనివాసరావు కలిశారు. ఈ సందర్భంగా ఆయన మాట్లాడుతూ.. వినాయక్ తనకు మంచి మిత్రుడని తెలిపారు. స్వయం కృషితో గొప్ప డైరెక్టర్గా సినీ ఇండస్ట్రీలో ఎదిగారని.. భీమిలీలో జరిగే ఈ సినిమా కచ్చితంగా మంచి హిట్ సాధించాలని కోరుకుంటున్నట్లు తెలిపారు. హిందీలో ఆయనకు తొలి సినిమా కాగా.. మంచి పేరు తెచ్చిపెడుతుందని ఆశించారు.
జైజానకి నాయక, సీత సినిమాలు పెద్దగా హిట్ సాధించలేకపోయాయి. ఆ తర్వాత వచ్చిన రాక్షసుడు సినిమా ప్రేక్షకులను అలరించింది. క్రైమ్ థ్రిల్లర్ నేపథ్యంలో సాగిన ఈ సినిమా అందరినీ కట్టిపడేసింది. ఇటీవలే వచ్చిన అల్లుడు అదుర్స్ కూడా ఎప్పటిలాగే ఆకట్టుకోలేకపోయింది. ఇప్పుడు బాలీవుడ్లో అయినా విజయం సాధిస్తాడేమో వేచి చూడాలి.
Also Read: పేదలపైనే రుణం.. ఓటీఎస్ తో భారం